Robaxon Maxmudova

🟦🟦🟦🟦🟦 ⚖️ ФРАКЦИЯДА МУҲОКАМАЛАР🗣 Adolat.uz | Facebook | Telegram | Instagram |Twitter | YouTube

🇺🇸🇺🇿 Вашингтон шаҳрида ўтган Тинчлик кенгашининг биринчи саммити ҳақида эшитган бўлсангиз керак. Саммитда 30 дан ортиқ давлат раҳбарлари қатнашди. Муҳокамалар марказида эса Ғазо секторидаги вазият, гуманитар инқироз ва минтақада барқарорликни тиклаш масалалари бўлди. 🔍 Унда Президентимиз Ғазо ҳудудида турар-жой, болалар боғчаси, мактаб ва шифохоналар барпо этишга мамлакатимиз ҳам ҳисса қўшишини билдирди. ⚖️ “Адолат” СДП фракцияси раҳбари Робахон Махмудова юртбошимиз илгари сурган ташаббуслар мамлакатимизнинг тинчликпарвар, очиқ ва мувозанатли сиёсатини яна бир бор намоён қилганлигини таъкидлади. 🔵Ўзбекистоннинг очиқ иқтисодиёт ва халқаро ҳамкорликка тайёр давлат сифатидаги қиёфаси тобора мустаҳкамланяпти. Бу эса ички ижтимоий-иқтисодий ислоҳотларимиз учун ҳам қулай ташқи муҳит яратади" - Р. Махмудова. 🌎 Бугун дунё кескин зиддиятлар даврини бошдан кечирмоқда. Ана шундай шароитда Ўзбекистонимиз ўзининг инсонпарварлик сиёсатини қатъий кўрсатаётганлиги албатта қувонарли. 🧑‍🦲@deputatlar_nima_deydi саҳифасини кузатиб боринг

#ҲАФТА_ТАҲЛИЛИ 🔴Ўзбекистон “Адолат” социал-демократик партияси ва унинг Олий Мажлис Қонунчилик палатасидаги фракцияси томонидан якунига етган ҳафта давомида ўтказилган муҳим тадбирлар, депутатларимизнинг мамлакатимизда юз бераётган ижтимоий-сиёсий воқеликлар юзасидан муносабатлари бўйича ҳафталик дайжест. 🔴Ўзбекистон “Адолат” СДП Матбуот хизмати 🎞 Бизни кузатиб боринг! ⚖️Расмий саҳифаларимиз

АЁЛ АДОЛАТ ВА ТАРАҚҚИЁТ ТИМСОЛИ “Олмалиқ кон-металлургия комбинати” АЖ кўп йиллардан бери партиямизнинг яқин ҳамкори ҳисобланади. Яқинда ташкил этилганининг 75 йиллиги нишонланган ушбу комбинат нафақат иқтисодий салоҳияти, балки 35 минг нафардан ортиқ ишчи-ходимлар меҳнат қиладиган улкан тузилма экани билан ҳам ажралиб туради. Жамоанинг салмоқли қисми хотин-қизлар, ёшлар ҳиссасига тўғри келади. Комбинат республикамиз ижтимоий-иқтисодий ҳаётида етакчи ўрин тутади. Сўнгги йилларда “Адолат” СДП билан комбинат ўртасида қўшма лойиҳалар, акция ва учрашувлар тез-тез ўтказиб келинмоқда. Шундай тадбирларнинг навбатдагиси “Аёл – адолат ва тараққиёт тимсоли” мавзусига бағишланди. БАТАФСИЛ ⚖️Расмий саҳифаларимиз

🟦🟦🟦🟦 ТИНЧЛИКСИЗ АДОЛАТГА ЭРИШИБ БЎЛМАЙДИ Президентимизнинг Вашингтон шаҳрида бўлиб ўтган Тинчлик кенгаши биринчи саммитидаги иштироки мамлакатимиз ташқи сиёсатида муҳим давр бошланаётганидан дарак беради. Ўзбекистон номидан илгари сурилган ташаббуслар мамлакатимизнинг халқаро майдондаги нуфузи, очиқ ва мувозанатли дипломатияси, тинчликпарвар сиёсати изчил давом этаётганини яна бир бор намоён қилди. Қайд этиш жоизки, саммитда 30 дан ортиқ давлат етакчилари қатнашди. Бу мазкур платформанинг халқаро аҳамиятини тасдиқлайди. Айниқса, Ғазо секторини тиклаш, минтақада барқарорликни таъминлаш ва гуманитар инқироз оқибатларини бартараф этиш масалаларининг муҳокама марказида бўлгани бугунги мураккаб геосиёсий вазиятда ниҳоятда долзарбдир. Президентимиз ўз маърузасида, аввало, Тинчлик кенгаши Ғазо минтақасини иқтисодий ва ижтимоий қайта тиклаш учун муҳим платформага айланишига ишонч билдирди. Шунингдек, ҳар қандай ташқи бошқарув механизми сектор аҳолисининг ички қўллаб-қувватлашига таяниши лозимлигини таъкидлади. Бу қатъий позиция халқаро ҳуқуқ нормалари, суверенитет ва халқ иродасига ҳурмат тамойилларига таянади. Дарҳақиқат, барқарор тинчлик ташқи кучлар қарори билан эмас, маҳаллий аҳоли ишончи ва розилиги асосида барпо этилади. Зеро, ўз тақдирини ўзи белгилаш ҳуқуқини эътироф этмай туриб, ҳақиқий адолатга эришиб бўлмайди. Президентимиз Ғазо ҳудудида турар-жой, болалар боғчаси, мактаб ва шифохоналар барпо этишга мамлакатимиз ҳам ҳисса қўшишини билдирди. Бу бир жиҳатдан, мамлакатимизнинг гуманитар дипломатияси аниқ амалий мазмунга эга эканини кўрсатди. Қолаверса, халқимизга хос xайр-саховат, бағрикенглик ва бирдамлик фазилатларини дунёга намоён қилди. Қуролли можаролардан энг кўп азият чекадиган қатлам тинч аҳоли, айниқса, аёллар ва болалар ҳисобланади. Уларнинг хавфсизлигини таъминлаш, таълим олиш ва тиббий хизматдан фойдаланиш ҳуқуқини тиклаш Тинчлик кенгаши олдида турган энг асосий вазифа саналади. Бу борада давлатимиз раҳбари томонидан “Янги Ғазо” концепциясининг илгари сурилгани муҳим сиёсий сигнал бўлди. Бугунги кунда дунё кескин қарама-қаршиликлар, геосиёсий зиддиятлар ва қуролли тўқнашувлар билан юзлашмоқда. Ана шундай мураккаб шароитда Ўзбекистоннинг мувозанатли, конструктив ва тинчликсевар сиёсати алоҳида аҳамият касб этмоқда. Мамлакатимиз бирор блок ёки қарама-қаршилик томонини танлаш эмас, балки мулоқот ва ҳамкорлик майдонларини кенгайтириш тарафдори эканини амалда намоён қилмоқда. АҚШга амалга оширилган ташриф ҳам икки томонлама ҳамкорликни янги босқичга олиб чиқиш, иқтисодий, инвестициявий ва технологик алоқаларни кенгайтириш нуқтаи назаридан муҳимдир. Ўзбекистоннинг очиқ иқтисодиёт ва халқаро ҳамкорликка тайёр давлат сифатидаги қиёфаси тобора мустаҳкамланяпти. Бу эса ички ижтимоий-иқтисодий ислоҳотларимиз учун ҳам қулай ташқи муҳит яратади. Тинчликка нафақат можароларни бартараф этиш, балки ижтимоий адолат, тенг имкониятлар асосидаги инсон ҳуқуқлари таъминланган муҳит орқали эришилади. Президентимизнинг саммитдаги нутқи айнан шу ёндашувни ўзида мужассам этди. ⚖️Расмий саҳифаларимиз

Ёш болали оналарнинг ҳам ишлаш имкони бор Бугун йирик саноат корхоналари фақат маош билан эмас, ижтимоий пакет билан ҳам ўзаро рақобат қилади. Боғча, мактаб, тиббиёт, спорт инфратузилмаси малакали кадрларни жамоада сақлаб қолишнинг самарали воситаларидан бири. Қолаверса, барқарор ривожланишнинг асоси инсон омилидир. Шу маънода, “Олмалиқ кон-металлургия комбинати” АЖ тизимида фаолият юритаётган 39-сонли мактабгача таълим ташкилоти иккинчи даражали объект эмас. Партия фаоллари ушбу муассаса фаолияти билан танишиш жараёнида бунга амин бўлди. Комбинатда минглаб ишчи-ходимлар меҳнат қилади. Уларнинг асосий қисми ёш оилалар ҳиссасига тўғри келади. Ана шу ходимларнинг фарзандлари учун муносиб таълим-тарбия шароитини яратиш ишлаб чиқариш жараёни билан бевосита боғлиқ. Чунки боласининг хавфсизлиги ва тарбияси ҳақида хотиржам ота-она ўз вазифасига тўлиқ эътибор қарата олади. Бу эса меҳнат интизоми, иш унумдорлиги ва умумий самарадорликка ижобий таъсир кўрсатади. Айниқса, ёш болали аёллар, сменали иш тартибида фаолият юритадиган ишчилар учун мактабгача таълим ташкилотининг мавжудлиги катта енгилликдир. Шу билан бирга, мазкур боғча фақат ишчи-ходимлар манфаатларига эмас, балки ҳудуд ривожига ҳам хизмат қилади. Мактабгача таълим сифатининг ошиши келажак авлоднинг билимли, интизомли ва жамиятга фойдали инсон бўлиб камол топишига замин яратади. Бу эса узоқ истиқболда бутун шаҳар ва минтақа тараққиётига ижобий таъсир кўрсатади. Умуман олганда, кун давомида ўтказилган учрашув ва давра суҳбатлари бир жиҳатни аниқ тасдиқлади: Тараққиёт фақат завод қуввати ёки экспорт ҳажми билан эмас, балки инсон омили, айниқса, аёлларнинг жамиятдаги фаол иштироки билан таъминланади. ⚖️Расмий саҳифаларимиз

ОКМК ўзи учун кадрлар тайёрлайди Комбинатнинг малакали кадрларга эҳтиёжи жуда юқори. Шу сабаб илғор хориж тажрибасини инобатга олган ҳолда 2023 йилдан муҳандислар тайёрлаш маркази фаолияти йўлга қўйилган. “Адолат” СДП Сиёсий кенгаши раиси Робахон Махмудова бошчилигидаги партия фаоллари мазкур мактаб фаолияти билан ҳам танишди. Бу ерда бўлажак муҳандислар геология, кончилик, маркшейдерлик иши, бойитиш, металлургия, механика, энергетика, кон саноати транспортлари, автоматлаштириш каби таълим йўналишлари бўйича ўқитилади. Машғулотларда давомида “Serpo Mineral Systems”, “Thyssenkrupp”, “Meso Outotec”, “UZTM-Karteks”, “BelAZ” каби дунёнинг етакчи компаниялари технологияси ўргатилади. Бир ўқув курсига 160 нафаргача тингловчи қабул қилиниши мумкин. Яна бир аҳамиятли жиҳат, дарслар саноат ривожланган давлатларнинг етакчи олимлари ва ўқитувчилари томонидан ўтилаётганидир. Маълумот ўрнида айтиш жоизки, “Олмалиқ кон-металлургия комбинати” ва Германиянинг Фрайберг техника университетининг кончилик академияси ўртасида меморандум имзоланган. Мазкур ҳамкорлик доирасига биргаликда малакали муҳандислар тайёрлаш масаласи ҳам киритилган. Ҳар қандай соҳа ривожи замонавий технология, илғор ишлаб чиқариш тизими, халқаро алоқалар каби муҳим омилларга боғлиқ. Айниқса, билимли, малакали, жаҳон стандартлари талабига жавоб берадиган мутахассислар бунда асосий ўрин тутади. Шу боис, ОКМКда ана шундай иқтидорларни тайёрлаш устувор вазифа сифатида белгиланган. ⚖️Расмий саҳифаларимиз

Мискарликни касб тутган Тўмарислар Партиямиз фаоллари куннинг иккинчи ярмида мис бойитиш фабрикаси ҳамда мис эритиш заводида меҳнат қилаётган хотин-қизлар билан учрашди. Мулоқотда аёлларнинг ижтимоий ҳимоясини таъминлаш, улар учун муносиб меҳнат шароити яратиш, барқарор иш ўрни ва касбий ўсиш имкониятларини кенгайтириш масалалари муҳокама қилинди. Таъкидланганидек, хотин-қизларнинг иқтисодиётни йирик тармоқларидаги иштироки нафақат ишлаб чиқариш самарадорлигини оширади, балки жамиятда ижтимоий адолат тамойилларини мустаҳкамлайди. Қолаверса, партия Сайловолди дастурида белгиланган устувор йўналишлар ижросида саноат корхоналари билан ҳамкорликни кучайтириш муҳим омилдир. Мулоқот чоғида ишчи-меҳнаткашларнинг сиёсий-ҳуқуқий билимини ошириш, ишлаб чиқаришда инновацион ёндашувни рағбатлантириш ва инсон капиталига сармояни кўпайтириш бўйича таклифлар илгари сурилди. Партия Сиёсий кенгаши раиси Робахон Махмудова сўзга чиқиб, аёлларнинг иқтисодий мустақиллиги, касбий ўсиши давлат ва жамият тараққиётининг асосий шарти эканини таъкидлади. – Аёл меҳнат қилса, жамиятга қўшилса, ўзига ишончи ортади, оиласи барқарор бўлади, – деди партиямиз етакчиси ўз сўзида. – Оила барқарорлиги эса жамият мустаҳкамлиги кафолатидир. “Олмалиқ кон-металлургия комбинати” билан узоқ йиллардан бери яқиндан ҳамкорлик қилишимиз бежиз эмас. Бунинг муҳим сабабларидан бири 35 минг нафардан ортиқ ходим меҳнат қилаётган улкан жамоада сизлар каби замонамиз Тўмарислари ҳам кўпчиликни ташкил этишидир. Партиямиз бундай мураккаб ва масъулиятли соҳада меҳнат қилаётган хотин-қизларни қўллаб-қувватлашни ўзининг асосий вазифаси, деб билади. Тадбир якунида сафимизга қўшилиш истагини билдирган 50 нафар фаол опа-сингилларимиз партия аъзолигига қабул қилинди ва корхонада бошланғич партия ташкилоти тузилди. ⚖️Расмий саҳифаларимиз

🟦🟦🟦 “ОКМК”нинг умидли ёшлари “Олмалиқ кон-металлургия комбинати” АЖ томонидан болалар футболига ҳам алоҳида эътибор қаратилмоқда. Хусусан, 2025 йил август ойида “ОКМК” клуби қошида футбол академияси ташкил қилиниб, тарбияланувчилар учун замонавий бино-иншоот ва майдон барпо этилган. Натижада, ёш футболчилар барча қулайликларга эга шароитда яшаб, таълим олиш ва параллел равишда футбол сирларини ўрганиш имконига эга бўлмоқда. 🔴“Адолат” СДП Сиёсий кенгаши раиси Робахон Махмудова бошчилигидаги ишчи гуруҳ ушбу академия фаолияти билан танишди. Муассаса 210 ўринга мўлжалланган бўлиб, 3 та ўқув залидан ташқари, ётоқхона, ошхона, тиббиёт ва кир ювиш хоналаридан таркиб топган. Замонавий жиҳозлар билан таъминланган академияда 6-11-синф ёшидаги ўқувчилар спорт сирларини ўрганмоқда. Уларга 25 нафар тажрибали мураббийлар замонавий методологияларни қўллаган ҳолда сабоқ беришади. Яратилган имкониятлар самараси ўлароқ академиянинг 12 ёшли болалар жамоаси Қирғизистон Республикасида ўтказилган халқаро турнирда бош совринни қўлга киритгани, 13-14 ёшли ўсмирлар жамоаси эса Қозоғистонда ўтган халқаро мусобақада ғолиб бўлгани қувонарлидир. Партиямиз етакчиси тарбияланувчилар билан суҳбатлашиб, уларнинг келгуси режалари билан қизиқди. Мақсад йўлида дадил қадам ташлаш зарурлиги, шунда инсон барча ниятларига, албатта, эришишини таъкидлаб, маслаҳат ва тавсиялар берди. ⚖️Расмий саҳифаларимиз

Қурама бағридаги хазина “Адолат” СДП Сиёсий кенгаши раиси Робахон Махмудова бошчилигидаги партия вакиллари Қурама тоғлари бағрида жойлашган 3-Мис бойитиш фабрикаси фаолияти билан яқиндан танишди. Ҳар йили 60 миллион тонна маъданни қайта ишлаш қувватига эга бўлган фабрика Марказий Осиёдаги энг йирик мис ишлаб чиқарувчи мажмуалардан бири саналади. Йилига 900 минг тонна мис концентрати ишлаб чиқариш кўрсаткичи мамлакатимиз экспорт салоҳиятини ошириш, маҳаллий ишлаб чиқаришни диверсификация қилиш ва миллий иқтисодиётда “мис кластери”ни тизимли ривожлантиришга ҳам салмоқли улуш бўлиб қўшилади. Бу рақамлар ортида минглаб мутахассислар меҳнати, муҳандислик салоҳияти ва, энг муҳими, аёлларнинг саноатдаги муносиб иштироки мужассам. Сафар давомида партиямиз вакиллари Марказий диспетчерлик бошқарув пункти, йирик майдаланган рудаларни сақлаш омбори, ўрта ва майин майдалаш корпуси, фильтр мажмуалари билан танишишди. ⚖️Расмий саҳифаларимиз

🟦🟦🟦 Олмалиқ шаҳрида “Аёл – адолат ва тараққиёт тимсоли” мавзусига бағишланган маънавий-маърифий тадбирлар бошланди. 🔴 “Адолат” СДП Сиёсий кенгаши раиси Робахон Махмудова бошчилигидаги партиямиз вакиллари дастлаб “Металлург” маданият саройи ва “Олмалиқ кон-металлургия комбинати” АЖ музейи билан танишишди. ⚖️Расмий саҳифаларимиз

Xalqchil ijtimoiy siyosatning mustahkam asoslari belgilandi Davlat dasturida mahallalarga yangi Oʼzbekiston qiyofasini olib kirish, iqtisodiyotni texnologik va innovatsion oʼsish modeliga oʼtkazish, ichki bozorda talabni ragʼbatlantirish, zamonaviy kasblar va yangi mehnat bozori arxitekturasini shakllantirish, ekologik muvozanatni taʼminlash va suv resurslaridan oqilona foydalanish, davlat boshqaruvi hamda sud-huquq tizimini isloh qilish kabi strategik yoʼnalishlar ustuvor etib belgilangan. 🚨BATAFSIL 🏢Veb-sayt | 📱Telegram | 📱Facebook|📱YouTube | 📱Instagram|📱X | 🔄ParlamentTV_RADIO | ◽Yoshlar parlamenti