Kitobxon kundaligi

​​Бир донишманд тингловчилар олдида нутқ сўзлар экан, уларга латифа айтиб берибди. Барча томошабинлар кулишибди. Бир неча дақиқадан сўнг у яна ўша латифани одамларга қайтиб айтиб берибди. Бир неча киши жилмайиб қўйибди. Донишманд ўша латифани учинчи марта айтибди, лекин энди ҳеч ким кулмабди. Шунда донишманд жилмайиб дебди: "Битта хазилга қайта-қайта кула олмайсиз.. Хўш, нега унда битта нарса сабаб қайта ва қайта йиғлайверасиз?" 👉@kitoblog👈

Subject Nazar каналида эълон қилинган маслаҳат ва тавсиялар 📝Мақолалар 🔸Универсал тавсиялар 🔹Уйда ўтириб ишлайдиганлар учун фойдали 12 тавсия 🔸Энг илғор онлайн курслар 🔹Ваҳшийликдан ҳимояланиш ҳақида 🔸Биомассадан ажралиш учун тавсиялар 🔸"Ёшим 25 да бўлганида" 🔹Масофавий ишда зарур бўладиган кўникмалар 🔹Келажак касблари 🔹Қимматли ходим бўлиш учун тавсиялар 🔸Ёшларга ўгитлар 🔸Тафаккурни ривожлантириш, қандай китобларни ўқиш ҳақида 🔸Дангасаликни енгиш ҳақида 🔸Муваффақият, мақсад, режалар, талант ҳақида 🔹Тежамкор бўлиш учун 🔹Китоб ўқиганда уйқуни енгиш 🔹Фойдали телеграм каналлар 🔹Тадбиркорлар учун тавсиялар 🔹Иқтисодчилар учун тавсиялар 🔹Креативликни ошириш учун 🔹Тафаккурни ривожлантиришда ишни нимадан бошлаш керак? 🔸Ўттиз ёшдан ошганлар учун тавсиялар 🔹Замонавий ва келажак касблари учун зарурий кўникма, қобилиятлар ҳақида ҳисобот 🔹Қийин китобларни "енгиш" 🔹Неожадидларга тавсиялар 🔹Замонавий технологик ва бизнес трендларни кузатиб бориш учун баъзи манбалар 📚Китоб тақризлари 📕Аэропорт 📗Галлия жангномаси 📘Салжуқлар 📙Мексикалик 📒Латта 📚Тадбиркорлар учун китоблар рўйхати 📖Фикрлаш нима 📚Фалсафий китоблар 📽 Кино тавсиялар 📹Март идалари 🎥Ёмғирдан сўнг 📽Фуқаро Кейн 🎥Мендирман Бобуршоҳ 📹Дамиани кинолари 🎞Молия ва бизнес бўйича кино тавсиялар 🔴Youtube стримлар 🔺Савол-жавоблар 1 🔺Савол-жавоблар ва ЧТҚК 2 🔺Савол-жавоблар ва ЧТҚК 3 🔺Савол-жавоблар ва ЧТҚК 4 🔺Савол-жавоблар ва ЧТҚК 5 🔺Савол-жавоблар ва ЧТҚК 6 🔺Савол-жавоблар ва ЧТҚК 7 🔺Савол-жавоблар ва ЧТҚК 8 🔺Савол-жавоблар ва ЧТҚК 9 🔺Савол-жавоблар ва ЧТҚК 9 (давоми) 👉🏻@subnazar

Ўзи бошида шунақа энтузиазм бўлади ўзи🙂 Кейин оила китоби қизиқроқ чиқади)) https://t.me/Panda_books/2198 👉@kitoblog👈

Kitoblar narxi oshishi sabablari haqida. Oshyapti. Faqat kitob emas, hamma narsa oshyapti. Shunchaki kitobniki anchadan beri sezilarli oshmagan edi. Kuzatuvimcha 2016 yildan beri (o'rtacha 250-300 betli, 10ming so'm, ulgurji narx) kitoblarning o'rtacha narxi 4-5 barobarga oshgan. 5 yilda 4 barobar! So'nggi 1 yilda esa 15mingdan 30minggacha ko'tarilgan. Bunga asosiy sabab muttasil o'sib borayotgan inflatsiya, qog'oz narxining oshishi (shu yil to'xtovsiz va tez-tez oshib boryapti) va QQS solig'i. Yana boshqa iqtisodiy sabablari bordir, bunisini men bilmayman. Kitoblar narxi xususiy nashriyotlar va tadbirkorlar tomonidan sun'iy oshirilyapti yoki ko'proq foyda qo'yilyapti desak, bunga so'nggi paytlarda davlat nashriyotlarida chiqayotgan kitoblar narxlari ham oshgani bu fikr to'g'ri emasligini tasdiqlaydi. Lekin narx tanlash tadbirkorga qolib ketgan holatlar ham yo'q deb bo'lmaydi. "Yangi asr avlodi" nashriyotida ishlarida qatnashganim uchun shu nashriyotning kitoblari narxlariga javob berishim mumkin. Bizda biror kitob sotilish jihatidan "uchar"ligi aniq bo'lsa ham keskin baland narx qo'yilmaydi. Bizda oylik-maosh ham ko'p emas, shuning uchun maoshingizga kitob narxini bo'lsangiz sanoqli kitob ola bilasiz va bu qimmat tuyiladi. Yana bir jihat: asosiy xomashyosi (ofset, oq qog'oz) chet eldan kiradigan boshqa biror bir sohani solishtirib ko'ring. Shunda ham kitoblar narxi u soha maxsulotlaridan ancha arzon. Kitob ichida yurganim, bilganlarimdan yozdim. IMHO (c) У. Рамазонов 👉@kitoblog👈

​​​Ўз темпераментига мос шароитда яшаётган одам - бахтли одам. Исталган шароитларга, темпераментини мослаштира оладиган одам эса мукаммал одамдир. ✍Девид Юм. 👉@kitoblog👈

Академнашрдан яна туҳфа🙂 Ўқишим керак деб аммо сотиб олишга вақт топа олмайдиган китоблардан. Тарихга турли ракурслардан қараш учун ҳам бундай китобларни ўқиш керак. Қани кўрамиз. Ёқимли мутолаа🙂 👉@kitoblog👈

​​#kitobhaqidakitob Қозоғистон Республикаси Миллий академик кутубхонаси директори ўринбосари Алия Кожабекованинг айтишича, Қозоғистонда 2007 йилдан бери «Бир мамлакат — бир китоб» акцияси муваффақиятли амалга оширилмоқда экан. Бунда бир йил давомида бутун мамлакат бўйича битта китоб тарғиб қилинади ва ҳамма ўша китобни ўқийди, муҳокама қилади. Абайдан бошланган лойиҳа орқали 11 йилдан бери қозоқ зиёлилари асарлари халққа танитиб борилмоқда. Ёзувчи-шоирлар, олимлар, жамоат арбобларидан иборат комиссия ҳар йили ўқиладиган муаллиф ва унинг китобини белгилаб беради. Дастлабки йили бу лойиҳада 70000 киши иштирок этган бўлса, сўнгги йилда 3 миллион киши қатнашибди. - Информацион қамров кучайган замонда бунга осонликча эришиб бўлмайди, – дейди Алия Кожабекова, — Мамлакатдаги ҳар бир кутубхона йил китобини тарғиб этишга ҳисса қўшмоқда. Турли конференция, тадбирлар, маърузалар, ток-шоулар, театр постановкалари, танловлар ташкил этамиз. Асарнинг электрон версиясини турли форматларда (матнли, овозли) тайёрлаймиз. Махсус мобиль илова ташкил этганмиз. Шаҳардаги барча автобус бекатларида илова QR-кодларини жойлаштирганмиз. Республика радиосида ҳар ҳафта 1 соат жонли эфирда китобхонликни тарғиб қиламиз. Йил китоби бўйича флешмоблар ўтказамиз. 📚Д.Тожиалиев—Китоб ҳақида китоб 👉@kitob👈

​​Бугун машҳур нотиқ, психолог Дейл Карнеги туғилган кун. 1888 йил, 24 ноябрда Карнеги Меривилда деҳқон оиласида туғилганди. Камбағал яшаганига қарамай кейинчалик нотиқ сифатида танилиб, китоблари бестселлер қаторига кирди. Болалигимда кўп ўқирдим, ҳар юил воқеаларни ёритиши ёқарди. Карнегини мухлислари, уни ўқувчилар борми орамизда? 👉@kitoblog👈

​​#kitobhaqidakitob “Бир вақтлар китобларнинг тақчиллиги илмнинг ўсишига зиён етказар экан. Ҳозир эса унинг кўплиги одамни гаранг қилиб, шахсий мулоҳаза юритишингга халал беради” каби иқтибослар, фикрларни @akademnashr нинг янги китобида ўқиш мумкин. Муаллиф кўпчиликка таниш Ziyouz электрон кутубхонаси асосчиси Давронбек Тожиалиев экан. Асарда китоблар ва китобхонлик ҳақида кўплаб фикрлар, суҳбатлар бор. Турли хориж адабий рейтингидаги китоблар, машҳурларнинг тавсиялари ҳам берилган. Умуман “нима китоб ўқисам экан?” деб кўп ўйловчиларга айни қўлланма бўлади. Айниқса букблогерларга жуда керакли, "соҳадаги" китоб экан. Варақлаб пост ёзишга ғоялар топиш осон🙂 👉@kitoblog👈

💬Маълумки, Дарвин назарияси ўз ҳолича асло садомазохистик шахснинг ҳис-туйғусини ифода этмайди. Аксинча, унинг кўп издошлари инсониятнинг кейинги эволюцияси маданиятнинг олий босқичлари билан боғланишига умид қилдилар. Бироқ Гитлер учун бу назария унинг садизмини ифодалаш ва айни вақтда оқлаш бўлди. У гўллик билан Дарвин назарияси унинг учун нақадар муҳим психологик аҳамият касб этганини айтади. У Мюньхенда яшаган, ҳали танилмаган вақтларда, одатда, эрталаб соат 5 да уйғонарди. Унинг ана шу хонада яшайдиган сичқонларга нон ушоқларини ташлаб берадиган ва бу йиртқичларнинг кичкина насиба учун бир-бири билан уришишларини кузатадиган одати бор эди. Бу «ўйин» унинг учун миниатюра шаклидаги дарвинча «ҳаёт учун кураш», майда буржуа кўра оладиган Рим империясидаги гладиатор циркларининг суррогатлари, у келажакда барпо этмоқчи бўлган тарихий циркнинг муқаддимаси эди.. Эрих Фромм-Озодликдан қочиш 👉@kitoblog👈

Бу фикрларга қўшилмай илож йўқ🙂 https://t.me/bookerberg/618 Бу йил ростан таниш букблогерлар, ўзимда ҳам шаҳсий, оилавий ўзгаришлар бўлди. Бу албатта улар фаоллигига таъсир қилди албатта. Режадагидек кўп ўқий олмадим ўзим ҳам. Аммо, блог сабабли ҳам мутолаа қилишга, бошқаларга улашишга уриндим. Шунингдек, йил ўртасидан сайтларга адабий мақолалар ҳам ёзиб боряпман. Ҳали йил хулосаси қилишна эрта-ю, аммо маълум фикрларни ҳозирдан шакллантирга маъқул. Қолиб кетган ишлар бўлса, саранжомлаб йилни ёпиш керак. Барчага бу ишларда омад🙂 👉@kitoblog👈

​​2014-yillar Facebookda "Siz o'qigan ilmiy va badiiy asarlar" nomli guruh bo'lardi. Kimdir biror kitob kerak bo'lsa so'rardi, kimdir o'qigan kitobi haqida yozardi. Bir necha yil ichida nomi "Kitobxonlar davrasi" ga o'zgarib juda tez rivojlandi. Har hafta tanlovlar, o'yinlar, debatlar uyushtirilardi. Zakovatchilar, bugungi kundagi bir necha o'n minglab auditoriyasi bor ijtimoiy sohada yozadigan blogerlar o'sha o'yinlarda qatnashardi. Keyin esa uchrashuvlar tashkil qilish boshlandi. Bir-birini umuman tanimagan turli kasbdagi, turli yoshdagi odamlar har oy yig'ilishardi. Bu o'ziga xos kitobxonlar klubi edi. Yot begonalarni kitob shu darajada yaqinlashtirdiki, mehr - oqibatda, hayotda bir - birini qo'llashda tug'ishganlarday yaqin bo'lib ketishganini ko'rganman. U muhit juda boshqacha edi. Mukofotga 20-30 minglik kitob ediyu, lekin hamma o'sha kuni ishlarini yig'ishtirib tanlovda ishtirok etardi, chunki jarayon qiziq edi, yoqimli edi. Har oy har xil viloyatda uchrashuvlar bo'lardi. Birgina kitob uchun va boshqa kitobxonlar bilan uchrashish uchun Toshkentdan vodiyga, vohaga borishardi. Hozir kitobxonlik trendda. Nashriyotlar tarjimada, marketingda avjiga chiqqan. Sovringa Spark qo'yilgan tanlovlar bor. Har 10 ta kitobxondan 2-3 tasi bookblog yuritadi. Man aytayotgan davrda bookblog u yoqda tursin, o'zbek segmentida hali blogerlar ham yo'q edi. Nashriyotlar, kitob savdosi, tarjimachilikda turg'un davrlar edi. Shu sharoitda butun respublika bo'ylab juda katta kitobxonlar auditoriyasi shakllangan edi. Bu hech qanday davlat tashkiloti aralashuvisiz, byudjet mablag'larisiz, ko'ngillilarning tashabbusi edi. Keyin ba'zi adminlar ketdi, ba'zilari o'z ishi bilan bo'lib qoldi, yangilari oldingi muhitni yarata olmadi. Kitobxonlar davrasi hali ham bor va 40-50 ming a'zoga ega. Lekin oldingi fayz yo'q. U yerdan ketib telegramda bookblog ochishimning ham sababi shu. Man aytgan davrlardagi katta avlod vakillari har xil soha vakillari edi, o'qituvchilar, fan doktorlari, shifokorlar, yuristlar, dasturchilar... Ularni kitob birlashtirgan edi. O'sha paytdagi talaba bo'lgan yoshlarning ko'pi kitob sohasidan ketdi, Asila, Gulasallar Asaxiyda ishlashdi, Dilnoza uzoq yillar Asaxiyning bosh marketologi edi, Ulug'bek, Madina, Dostonlar Yangi asr avlodida ishlashyapti, Dilorom Navoiydagi filialda ishladi, Elbek Samarqandda diler, Dilzoda Akademnashrda, O'ktam, Mahinlar esa bugun eng mashhur bookblogerlardan biri. Yangi asr avlodida ishlaydigan Madina Book arena loyihasi orqali o'sha muhitni yarata olyapti nazarimda. Chunki u ham, boshlovchilik qiladigan Ma'ruf ham o'sha davrlarni ko'rishgan, ishtirok etishgan. Loyihada o'qishga bir kitob tanlanadi va har ikki haftada bir, yakshanba kuni Book.uz do'koniga yig'ilib muhokama qilinadi. Kitobni o'qib borib fikr bildirish ham, o'qimay borib jim kuzatib kelish ham mumkin. Borgan sari ishtirokchilar ko'proq, muhit yaxshiroq, suhbatlar qiziqroq bo'la boryapti. Chet elda har xil klublar ommalashgan, radiotexniklar klubi, rassomlar klubi, Shekspir muhlislari klubi, dasturchilar klubi. Bir vaqtlar butun Silikon vodiysi shunday klublarga to'lgan edi, Stiv Jobs, Bil Geyts kabilar shu klublardan chiqqan. Biz sevib o'qiydigan ko'plab yozuvchilar Fransiya, Amerika, Angliya, Rossiyadagi adabiy klublarda yetishib chiqishgan. Book arenada o'ziga xos kitobxonlar klubi shakllanyapti. Keyingi muhokamaga tanlangan asar Oldos Hakslining "Ajib yangi dunyo" si. Roppa rosa bir haftadan keyin uchrashamiz. O'qishga ulgurmasangiz ham bir keling. Ba'zi doimiy ishtirokchilarga muhit shu darajada yoqib qolganki, ular ham o'qiyolmay qolsalarda kelishaveradi, o'zimda ham bir - ikki shunaqa bo'ldi. Loyiha haqida batafsil ma'lumot bu yerda : ​https://t.me/bookuzbekistan/2470 Barchani kutib qolamiz. @salimov_blogi