Laylo Rustamova

#RASMIY_BAYONOT Ustama to‘lanadigan ayrim xalqaro sertifikatlar ro‘yxatdan olib tashlangani yuzasidan RASMIY BAYONOT 2023-2024-o‘quv yili davomida umumta‘lim maktablarining pedagoglariga 50 va 20 foiz ustama to‘lab beriladigan sertifikatlar ro‘yxati tasdiqlangani haqida avvalroq xabar bergandik. Shu o‘rinda, ro‘yxatdan chiqarilgan sertifikatlar bo‘yicha quyidagilarni ma‘lum qilamiz: ✅Vakolatli tashkilotlar tomonidan ro‘yxatdan chiqarilgan sertifikatlarni o‘rganish natijasida quyidagilar aniqlangan: ✅Sertifikatlarni berishda onlayn nazorat to‘g‘ri yo‘lga qo‘yilmaganligi, yaʼni bir shaxs o‘rniga boshqasi kirib topshirib chiqish holatlari mavjudligi; ✅Baʼzi sertifikatlarning haqqoniyligini aniqlash imkoniyati mavjud emasligi; ✅Sertifikatlarning haqqoniyligini tekshirilganda test topshiruvchining shaxsini aniqlash imkoniyati mavjud emasligi; ✅Ayrim sertifikatlarni berish uchun o‘tkaziladigan test sinovlarida axborot xavfsizligi talablariga to‘liq javob bermaganligi, test savollarining doimiy takrorlanishi. ⚠️Shunday bo‘lsa-da, ro‘yxatdan chiqarilgan sertifikat egalarining 1-avgustga qadar olgan sertifikatlari uchun sertifikat yakuniga yetish muddatiga qadar ustama to‘lovlari to‘lab borilishi belgilandi. Shu bilan birga amaldagi normativ-huquqiy hujjatlarga muvofiq APTISforteachers, Linguaskill sertifikatlaridan yangi ishga qabul qilayotgan talabgorlarni ishga qabul qilish jarayonlarida foydalanilish imkoniyati saqlanib qolinayotganligini eslatib o‘tmoqchimiz.

"Келажаги порлоқ юқори ҳақ тўланадиган касблар йўқ, аммо келажаги порлоқ бўлган мутахассислар бор" Мен доим бир нарсани такрорлайман: Инсон қайси касбда бўлмасин, уни бор меҳри билан сидқидилдан адо этса шубҳасиз унинг мевасини кўради. Эҳтимол, қандайдир "юлдузли" муваффақиятга эришмассиз, аммо танлаган касбингизни меҳр ва сидқидилдан адо этишнинг ўзи ҳам бу улкан муваффақиятдир. Касбини севган одам ишламайди, у шунчаки қилаётган ишидан завқ олади. Юлдуз Мусаева cингари устозларимизнинг мана шундай постларини кўриб хурсанд бўлиб кетаман. Кимлардир ўзи танлаган касбидан нолиётган бир пайтда бошқалар ўқувчиларини кутиб олишга мана шундай меҳр билан тайёргарлик кўрмоқда. Орамизда бундай устозларимиз кўплигини ҳам биламан. Касбингизга бўлган меҳр учун раҳмат! Хўш, азиз устозлар, сизларда янги ўқув йилига тайёргарлик ишлари қандай кетмоқда? Сиз ўқувчиларингизни соғиндингизми?

"Аяжон кечиринг ишончингизни оқлолмадим..." "Сен бошқачасан, ҳаммаси ўзингга боғлиқ..." — Ҳаётидаги муҳим синов олдидан шу сўзларни ёдга оладиган Шаҳзода ҳақида аввалроқ ёзганим ёдингиздами? Куни кеча Швейцарияда бўлиб ўтган Халқаро кимё олимпиадасида Абу Али ибн Сино номидаги ихтисослаштирилган мактабнинг 11-синф ўқувчиси Шаҳзода КУМУШ медаль соҳиби бўлди. У ўзининг бу натижасидан қониқмай. Ота-онасидан кечирим сўрамоқда! Хўш, ота-она қизларининг бу ютуғи ҳақида нима дейди, улардан кечаётган ҳис-туйғулар қандай? Булар ҳақида "Замон" информацион дастури журналисти Sohiba Akromova тайёрлаган репортажни кўриб, ўзимни ҳам кўзимга ёш келди. Олтинга бор йўғи 1 қадам етмаган Шаҳзода ота-онасини олдида ўзини айбдор санаяпти. Қани эди ҳамма ўзига мана шундай талаб қўя олганида... Аслида Халқаро аренага чиқиб Кумуш олиш қанчалик имтихор! Шаҳзода ўзининг билими, тинимсиз меҳнатлари ортидан оиласига 99 миллион сўм мукофот олиб киряпти. Ота-она учун миллиардларга тенг фахр ва ғурурни-ку айтмаса ҳам бўлади. Барча қизларимиз Шаҳзода каби илмга чанқоқ бўлсин, шу қатори мени қизларим ҳам🤲

10 ёшли Чарос Испанияда бўлиб ўтган халқаро танловда барчани ҳайратга солди Жорий йилнинг 10-13 июль кунлари Испанияда ўтган “Sea sun festival” халқаро танловида Сурхондарё вилояти, Термиз шаҳридаги 15-мактабнинг 5-синф ўқувчиси Чарос Абсоатова муваффақиятли иштирок этиб, олтин медаль соҳибаси бўлди. Чарос дутор чалиш сирларини устози, Халқ таълими аълочиси Муҳаббат Шодиевадан ўрганиш учун Термиз шаҳридан Шерободга қатнайди. Сурхондарё вилояти ҳокими Улуғбек Қосимов кўмагида халқаро танловида иштирок этган иқтидорли ўқувчи ўз ижроси билан барча иштирокчилар таҳсинига сазовор бўлди. Молодец Чарос!

Биласизми жудаям хафаман! Илмга бўлган эътиборни ҳар биримиз ўзимиздан бошлашимиз керак! Кеча Швейцарияда кимё фанидан ўтган олимпиадада 2 нафар ўқувчимиз ОЛТИН, яна 2 нафари кумуш ва бронза олиб Ватанимиз байроғини баланд кўтаргани ҳақида хабар чиқардик. Кўп ОАВга ташлаб бердим, лекин афсус уларга қизиқ туюлмади чоғи чиқмади 😔 Агар бирор спортчи халқаро мусобақада ғалаба қозонса борми, улар ҳақида гапирмаган қолмасди… Шунчаки ғолиб бўлган Болалар, уларнинг ота-оналари ва устозлари учун хафаман. Ҳурсанд булишардида ўзларини ОАВдаги янгиликларда чет элдан туриб ўқиб… Халқаро олимпиадада Олтин олишсаю улар ҳақида ОАВ гапирмаса😔😔 Агар лозим топсангиз шу ғалаба билан ўз саҳифангизда бўлишиб, болаларимизни табриклаб қўйинг! Ижтимоий тармоқ орқали болаларимизни қаҳрамон қилайлик! Эслатиб ўтаман, кеча 90 га яқин давлатдан 350 нафарга яқин ўқувчи иштирок этган олимпиадада Абу Али ибн Сино номидаги ихтисослаштирилган мактаб ўқувчиси Азизбек Назаров ҳамда Учтепа туманидаги 81-мактабнинг 10-синф ўқувчиси Абдуллоҳ Маҳмудов олтин медаль, Абу Али ибн Сино номидаги ихтисослаштирилган мактабнинг 11-синф ўқувчиси Шаҳзода Ҳакимова кумуш медаль ҳамда Тошкент шаҳридаги Президент мактабининг 10-синф ўқувчиси Соҳибжон Дилмуродов бронза медалларини қўлга киритди. Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги қарорига мувофиқ олтин медаль олган ўқувчи базавий ҳисоблаш миқдорининг 500 баравари (165 млн сўм), устози 450 баравари(148,5 млн сўм) миқдорида, кумуш медаль учун ўқувчи 300 баравар (99 млн сўм), устози 250 баравар (82,5 млн сўм) ҳамда бронза медаль учун ўқувчи базавий ҳисоблаш миқдорининг 200 баравари (66 млн сўм), устози 150 баравар (49,5 млн) пул мукофотлари билан тақдирланади.

165 МЛН СУМ!! Может ли школьник 10 или 11-класса столько заработать? Может! Сегодня наши ученики получают такие денежные вознаграждения за свои знания! 2 ученика, завоевавшие золотые медали на олимпиаде по химии в Швейцарии, каждый получит именно такую ​​сумму! Результаты наших учеников: 2 золота, 1 серебро и бронза! А учителям победителей, завоевавших золото, будет присуждено 148,5 млн сумов (300 кратный размер Базовой расчетной величины). Согласно Постановлению Президента от 3 мая 2019 года "О мерах по организации непрерывной системы выявления одаренной молодежи и подготовки высококвалифицированных кадров" победители международных олимпиад и их учителя награждаются единовременной денежной премией в следующих размерах базовой расчетной величины за: 1-место (золотая медаль) — в 500 (165 млн.сум), учителю — в 450-кратном размере (148,5 млн. сум); 2-место (серебряная медаль) — в 300 (99 млн.сум), учителю — в 250-кратном размере (82,5 млн.сум); 3-место (бронзовая медаль) — в 200 (66 млн.сум), учителю — в 150-кратном размере (49,5 млн.сум);

165 МИЛЛИОН СЎМ!!! Атига 10 ёки 11 синфда ўқийдиган ўқувчи шунча пул топиши мумкинми? Мумкин! Бизнинг ўқувчилар билимлари орқасидан шундай пул мукофотларига эга бўлишмоқда бугун! Швейцарияда ўтган кимё олиспиадасида Олтин медаль ютган 2 нафар ўқувчига айнан шунчадан пул мукофоти берилади ҳар бирига! Ўқувчиларимиздан юқори натижа: 2 та олтин, 1 тадан кумуш ва бронза - ҳаммасидан бор! Олтин олган ўқувчиларнинг устозларига 148,5 млн сўмдан, кумуш медаль учун ўқувчига 300 баравар БҲМ (99 млн сўм), устози 250 баравар (82,5 млн сўм) ҳамда бронза медаль учун ўқувчи базавий ҳисоблаш миқдорининг 200 баравари (66 млн сўм), устози 150 баравар (49,5 млн) пул мукофотлари билан тақдирланади.

Bugun Shveytsariya davlatida bo‘lib o‘tgan nufuzli Xalqaro kimyo olimpiadasida o‘quvchilarimiz ajoyib natijalarni - 2 ta oltin, 1 tadan kumush va bronza medallarini qo‘lga kiritishdi. 90 ga yaqin davlatdan 350 nafarga yaqin o‘quvchi ishtirok etgan olimpiadada Abu Ali ibn Sino nomidagi ixtisoslashtirilgan maktab o‘quvchisi Azizbek Nazarov hamda Uchtepa tumanidagi 81-maktabning 10-sinf o‘quvchisi Abdulloh Mahmudov oltin medal, Abu Ali ibn Sino nomidagi ixtisoslashtirilgan maktabning 11-sinf o‘quvchisi Shahzoda Hakimova kumush medal hamda Toshkent shahridagi Prezident maktabining 10-sinf o‘quvchisi Sohibjon Dilmurodov bronza medallarini qo‘lga kiritdi. Aytish joizki, O‘zbekiston Respublikasi Prezidentining 2019-yil 3-maydagi “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida”gi qaroriga muvofiq oltin medal olgan o‘quvchi bazaviy hisoblash miqdorining 500 baravari (165 mln so‘m), ustozi 450 baravari(148,5 mln so‘m) miqdorida, kumush medal uchun o‘quvchi 300 baravar (99 mln so‘m), ustozi 250 baravar (82,5 mln so‘m) hamda bronza medal uchun o‘quvchi bazaviy hisoblash miqdorining 200 baravari (66 mln so‘m), ustozi 150 baravar (49,5 mln so‘m) pul mukofotlari bilan taqdirlanadi. Bu esa Davlatimiz tomonidan ilmli yoshlarga berilayotgan eʼtiborning yuksak namunasi, deb bilaman. Bundan tashqari, Xalqaro olimpiada g‘oliblari OTMlarga imtiyoz bilan grant asosida o‘qishga qabul qilinib, keyinchalik taʼlim muassasalarida o‘qituvchi bo‘lib faoliyat yuritadigan bo‘lsa lavozim maoshiga 150 foiz har oy 100 foizlik ustama oladi. Fursatdan foydalanib, o‘quvchilarimiz, ularning ustozlari hamda terma jamoamizning har bir aʼzosini ilm yo‘lidagi yana bir ulkan g‘alaba bilan muborakbod etaman. Aziz o‘quvchilar, ilm olishdan, izlanishdan va Vatanimiz bayrog‘ini ilmingiz bilan balandlarga ko‘tarishdan aslo to‘xtamang.

“МЕНИНГ ЎҒЛИМ НОГИРОН БЎЛМАЙДИ!" — Онанинг ишончи ҳар қандай мўъжизаларга қодир Бундан бир неча кун олдин менга бир қиз мурожаат қилиб, фарзандини Ўзбекистонда инклюзив таълим йўлга қўйилган мактаблардан бирида соғлом болалар билан бирга таҳсил олиш истаги борлигини ва бунга ёрдам беришимизни сўради. Салоҳиддин ва унинг онаси Мафтуна ҳақида барча билан бўлишмоқчи бўлганимнинг сабаби, бу ҳаётий ҳикоя орқали тўрт мучаси соғ фарзандининг таълим олиши учун етарли вақт ажратолмаётган, айрим ота-оналарга ўрнак қилиб, Салоҳиддин сингари саломатлигида муаммоси бор фарзанд катта қилаётган бошқа оналарга оз бўлса-да умид бағишлаш истаги бўлди. 👇Суратдаги боланинг исми Салоҳиддин. Унинг ёнида эса онаси Мафтуна. Салоҳиддин ДЦП (Болалар церебрал фалажи) ташхиси билан туғилган. Лекин бугун у онасининг ишончи, тинимсиз меҳнати орқали ҳеч қайси соғлом боладан фарқ қилмайди. Салоҳиддин 2016 йил 7 ойлик муддатда дунёга келган. Чалажон, нафас олмаётган болани сақлаб қолиш учун шифокорлар бор имконини ишга солди. Муддатидан эрта ва бошидан жароҳат олиб туғилгани учун 1 ёшида шифокорлар томонидан ДЦП ташхиси қўйилди. Она тушкунликка тушган бўлса-да, умидини сўндирмади. 2-3 ёшида ҳам юрмаган болани доимий парвариш (уқалаш, ЛФК — даволовчи жисмоний машқлар) орқали оёққа тургазишга ҳаракат қилди. Она ва бола ҳар 3 ойда неврологияда даволанар, болани қарз олиб бўлса-да, доимий равишда соғлом бўлиши учун тинимсиз меҳнат қилди. Бунда Мафтунанинг турмуш ўртоғи, қайнонаси ва бошқа яқинлари доим ёнида далда бўлишди. - Менинг ўғлим ногирон бўлмайди! Бўлиши керакмас, деб миямга сингдириб олдим. Кечалари дуоларимда сўрадим. У 3 ярим ёшида эмаклашни бошлади. Бу пайт мендан бахтли она йўқ эди”, — дейди Мафтуна. Фарзандимни энди оёққа қўйдим, деб ўйлаган Мафтунанинг хурсандчилиги кўпга чўзилмади... - Ўғлимни чақирсам қарайвермасди... ҳайрон бўлдим. Билсам, турли муолажалар дорилар унинг қулоғига таъсир қилиб, қулоғи эшитмай қолибди. Яна касалхонага бориб, аудиометрия қилдирдик. Эшитиш заифлиги 3-4 даража экан. Шунда ҳам таслим бўлмадим. Даво излаб, Россияга ҳам бордим. Уйдагилар бўлди энди, борича қабул қил, дейишди. Йўқ дедим! Сўнгра “Замин” Фондига мурожаат қилдим, кутдим. Алҳамдулиллаҳ, операция қилиб, ўғлимга имлант ўрнатишди... Ҳозир ўғлим эшитяпти, менга қараб “ойи, ойижон” дейди. Юриб ҳам, югуриб ҳам кетди. Неча йиллаб юра олмаган, гапира олмаган болам бугун соғлом болалар билан давлат боғчасида таълим олади. Бу йил Салоҳиддин мактабга чиқади, чиққанда ҳам махсус эмас, Худо хоҳласа, соғлом болалар таҳсил оладиган умумтаълим мактабига чиқади”, — дейди Мафтуна. Ҳозирда Салоҳиддин Паралимпия қўмитасига қарашли Олий сув спорт маҳорат мактабида ҳам сузиш бўйича таҳсил олмоқда. Мафтуна фарзанди равон сўзлаша олиши учун бугунги кунда доимий равишда дефектологлар билан ишламоқда. Мана, она меҳри ва ишонч нималарга қодир! Ҳақиқатдан ҳам, баъзида ота-оналар соғлом боламни эплай олмаяпман, ўқимаяпти, одам қилолмаяпман, деб нолиб қоладилар. Лекин ишонч ва ҳаракат билан ҳар қандай имконсиз чўққини забт этса бўлади. Ҳозир Мактабгача ва мактаб таълими вазирлиги томонидан юртимизда йўлга қўйилган инклюзив таълим ёрдамида Салоҳиддинни соғлом болалар қатори умумтаълим мактабида таҳсил олиши имкониятлари ўрганилмоқда. Насиб қилса, Салоҳиддин ўзининг тенгқурлари билан бир қаторда таълим олиб, бир кун ота-онасининг барча заҳматларини, албатта, роҳатга айлантиради Иншоллоҳ. Мен эса Мафтуна сингари фарзандининг саломатлиги учун курашаётган ва курашадиган барча ота-оналар билан фахрланаман. Уларга раҳмат айтиб, Яратгандан улкан куч-қувват ва сабр тилайман. Аллоҳим сизларни ўзи ярлақаб, барча орзу-ниятингларингизга етказсин! Ҳеч кимнинг боласи касал бўлмасин! Боланинг суратлари ота-онасининг розилиги билан қўйилмоқда👇👇

Жуда кўп профессор-ўқитувчиларни йиғиб, бир самолётга ўтказишибди… Самолёт эшиклари ёпилиб, учишга тайёрланганда барча профессорларга бу самолёт уларнинг талабалари томонидан ясалганлиги айтилибди. Буни эшитган барча профессорлар, биргина профессордан и ташқари самолётдан чиқиш учун эшикка отилишибди. Ўша профессор ҳеч бир хавотирсиз самолёт ичида ўтиришда давом этибди. Ундан сиз нимага қочмаяпсиз деб сўрашганда, Профсессор “ахир конструкторлар менинг талабаларимку” дея жавоб берибди. Шунда ундан: “Талабаларингизни яхши ўқитганингизга шунчалик ишончингиз комилми” деб сўрашади. У эса шундай жавоб беради: “Мен бу самолёт учишига умуман ишонмайман…” …Жуда ачинарли, шундай эмасми?! Сиз ўқитган ўқувчилар аслида эртага ана шу бўлажак шифокор, ўқитувчи, муҳандис ва бошқа масъулиятли касб эгалари саналадилар. Сиз ўзингиз ўқитган ўқувчилар билимига қанчалик ишонасиз? Умуман болаларнинг билимли ва салохиятли бўлишларига қайси омиллар сабаб. Нима қилсак болаларимизни билимли ва салоҳиятли қила оламиз?

1-СИНФГА ҚАБУЛ БОШЛАНДИ 👨‍👩‍👧Ота-оналарга қуйлайлик яратиш ва қабул жараёнларини тартибли ташкил этиш мақсадида 1-синфга қабул 2 босқичда амалга оширилади. 📌1-босқич.20 июнидан 31 июлига қадар мактабларга маҳаллий ҳокимлик қарорлари билан бириктирилган микроҳудуд доирасида амалга оширилади. 📌2-босқич. 1-15 август кунлари микроҳудуддан ташқари қўшимча қабул жараёнлари амалга оширилади. Бунда, умумтаълим мактабларининг ўқувчи ўрни, малакали педагог кадрлар билан таъминланганлиги, синф хоналарининг етарли эканлигини инобатга олган ҳолда амалга оширилади. ✅43 та туман (шаҳар)да 1-синфга қабул жараёнлари электрон шаклда давлат хизматлари орқали амалга оширилади. Бунда, ота-оналар 20 июнь соат 12:00дан бошлаб my.maktab.uz электрон платформаси орқали рўйхатдан ўтиб, ариза топширишлари мумкин. ✅ Қолган туманларда анъанавий шаклда, яъни бевосита мактаб томонидан қабул қилинади. 📣Батафсил маълумотларни @mymaktab_uz телеграм канали ёки ☎️ 71 203-07-04 телефон рақами орқали олиш мумкин. Маълумот учун: 2023-2024 ўқув йилида республикамиз бўйича 730 мингдан ортиқ бола1-синфга қабул қилиниши режалаштирилган. Эслатиб ўтамиз: “Таълим тўғрисида”ги Қонунга асосан болалар, улар 7️ ёшга тўладиган йилда мактабга қабул қилинади. Яъни бу йил 1-синфга 2016 йилнинг 1 январидан 31 декабрига қадар туғилган болалар қабул қилинади.