Robaxon Maxmudova

🟦🟦🟦 Азиз юртдошлар! Бугун халқимиз қалбидаги миллий ғурур ва ифтихор, келажакка ишонч рамзи бўлган давлатимиз мадҳияси қабул қилинганлигига 33 йил тўлди. Бу сана нафақат тарихий воқелик, балки миллий ўзлигимизнинг ажралмас қисми, истиқлол ва суверенитетимизнинг тимсоли сифатида чуқур мазмунга эга. Давлат мадҳияси, аввало, халқ қалбида янграйдиган, орзу-умидлари, азму шижоати, тарихий хотираси мужассам бўлган муқаддас рамздир. Мадҳиямиз янграганда қалбимизда фахр-ифтихор, шу азиз Ватанга садоқат туйғуси янада кучаяди. Бугунги авлодлар учун у миллий уйғониш руҳининг тараннуми бўлса, келажак авлод учун она юртга муҳаббат манбаи бўлиб хизмат қилади. Унинг мазмунида аждодларимиз орзу-армонлари, истиқлолга етиш жараёнидаги машаққатлар, эртанги кунга бўлган мустаҳкам ишонч мужассам. Она Ўзбекистонимиз янги тараққиёт босқичига қадам қўяр экан, мадҳиямизда куйланган эзгу орзу-умидлар мамлакатимиз тараққиёти учун илҳом манбаи бўлиб хизмат қилаётганини алоҳида қайд этишимиз жоиз. Қонунимизда белгиланганидек, Давлат мадҳиясига ҳурмат билан муносабатда бўлиш ҳар биримизнинг фуқаролик бурчимиздир. Зеро, давлат мадҳиясига ҳурмат – Ватанга ҳурмат, миллий суверенитетга садоқат, давлат рамзларига эҳтиромдир. Қолаверса, давлат мадҳияси ёшлар тарбиясида ҳам алоҳида аҳамият касб этади. Таълим муассасаларида, оммавий тадбирларда, спорт мусобақаларида мадҳиямизнинг янграши ёшлар қалбида ғурур ва масъулият туйғуларини шакллантиради. Айниқса, халқаро мусобақаларда байроғимиз билан бирга мадҳиямизнинг янграши юртимиз довруғининг дунё минбарларида юксалаётганидан далолат беради. Бундай дақиқаларда ҳар бир юртдошимизнинг қалби фахр туйғуси билан тўлиши табиий. Биз учун муҳим вазифа – ёш авлодни ватанпарварлик руҳида тарбиялашдан иборат. Чунки бугунги ёшлар эртанги Ўзбекистоннинг бунёдкори, мадҳиямизда куйланган эзгу мақсадларнинг амалий ижрочиларидир. Фурсатдан фойдаланиб, давлат мадҳияси қабул қилинган кун билан барча юртдошларимизни чин қалбдан табриклаймиз. Юртимизда ҳукм сураётган тинчлик ва барқарорлик абадий бўлсин, халқимизни бирлик ва ҳамжиҳатлик руҳи ҳеч қачон тарк этмасин. Давлатимиз мадҳиясининг 33 йиллиги муборак бўлсин! ⚖️Расмий саҳифаларимиз

КОРРУПЦИЯ – АДОЛАТСИЗЛИККА ЙЎЛ ОЧАДИГАН ИЖТИМОИЙ ИЛЛАТ Ҳар йил 9 декабрь бутун дунёда “Халқаро коррупцияга қарши кураш куни” ўтказилади. БМТнинг “Коррупцияга қарши конвенцияси” қабул қилиниши муносабати билан белгиланган ушбу сана 22 йилдан буён инсониятнинг коррупция мисолидаги ижтимоий адолатсизликка қарши бирдамлиги рамзи бўлиб келмоқда. Коррупция иллати нафақат иқтисодий барқарорликка, балки жамиятимизнинг маънавий-ахлоқий асосларига ҳам жиддий хавф солади. У биринчи навбатда, қонун устуворлигини заифлаштиради, одамларда адолатга бўлган ишончни сўндириб, ислоҳотлар суръатига тўсиқ бўлади. Шу боис, тараққиётни мақсад қилган ҳар қандай давлат бу иллатга қарши курашишни миллий сиёсат даражасига кўтарган. Мамлакатимизда ҳам бу борада қатъий сиёсий ирода орқали аниқ амалий ҳаракатлар олиб борилаётганини қайд этиш жоиз. Жорий йил 5 март куни Президентимиз раислигида ўтказилган Коррупцияга қарши курашиш бўйича Миллий кенгаш йиғилишида белгиланган навбатдаги устувор вазифалар мамлакатимизнинг коррупциявий жиноятларга қарши аниқ мақсадлари борлигини кўрсатди. Хусусан, давлатимиз раҳбари томонидан барча даражадаги масъулларга 55 та аниқ мақсадга йўналтирилган топшириқлар берилди. Ушбу доирада 5 та қонун ҳамда Президентнинг 12 та фармон ва қарорлари ишлаб чиқилиши белгилангани ҳам масаланинг нақадар кўламдор эканидан далолат беради. Шундан келиб чиқиб, “Адолат” СДП ўз Сайловолди дастурида белгиланган устувор вазифалар билан уйғун бўлган чора-тадбирлар ишлаб чиқди. Апрель ойи “Коррупцияга қарши курашиш ойлиги” деб эълон қилинди. Коррупцияга қарши курашиш агентлиги билан имзоланган меморандум асосида республикамиз бўйлаб, “Коррупцияга қарши курашишда аҳолининг фаоллигини ошириш – қонун устуворлигининг гарови”, “Таълим соҳасида коррупцияга қарши иммунитетни шакллантириш – ватанпарварлик туйғуларини шакллантиришдир”, “Бўлажак кадрларни ҳалоллик вакцинаси билан эмлаш – давр талаби”, “Соғлиқни сақлаш тизимини “коррупциясиз соҳа”га айлантириш – устувор вазифамиз!” каби долзарб мавзуларда 9262 марта кенг қамровли тадбирлар, учрашувлар, давра суҳбатлари ўтказилди. Ушбу тадбирларда 740 960 нафар аҳоли қамраб олинди. Энг муҳими, жамоатчилик жараёнда фаол иштирок этмоқда. Демак, жамиятда коррупция ҳақида очиқ гапириш, уни фош қилиш, жиноятларнинг келиб чиқиш сабабларини таҳлил қилиш маданияти шаклланмоқда. Одамлар ушбу иллатга қарши тоқатсиз муносабатда бўлаётгани ҳам фикримизни тасдиқлайди. Шу ўринда бир жиҳатга алоҳида эътибор қаратишимиз лозим. Коррупцияга қарши курашда, аввало, ёш авлод вакилларининг ҳалоллик руҳида тарбия қилиниши муҳим аҳамият касб этади. Бунда катта ҳаётий тажрибага эга бўлган устозлар, ота-оналар, бобо-бувиларнинг зиммасида ҳам ғоят улкан масъулият бор. Ушбу миллий мақсадга йўналтирилган вазифалар партиямизнинг дастурий мақсадлари билан тўла уйғун. Биз ҳар доим коррупцияни жамиятимиз тараққиётига салбий таъсир этувчи энг хавфли омиллардан бири сифатида баҳолаб келамиз. Зеро, коррупцияга қарши курашиш бир муддат эмас, узлуксиз, қатъий ва изчил интилиш, кенг жамоатчилик иштирокидаги миллий ҳаракат орқали амалга ошади. 🔴 “Адолат” социал-демократик партияси адолатни таъминлаш, қонун устуворлигини мустаҳкамлаш, жамиятда шаффофлик ва ҳалолликни ҳаётий қоидага айлантириш йўлида ваколатли давлат органлари билан ҳамкорлик қилишдан манфаатдор. Чунки, коррупция энг улкан адолатсизлик саналади. Унутмайлик, адолат устувор бўлган жамиятдагина тараққиёт бўлади! Халқимизнинг фаровонлиги ва мамлакатимиз равнақи учун ҳам коррупцияга қарши кескин курашишимиз зарур. Коррупцияни таг-томири билан қуритиш йўлида барчани бирдам бўлишга чақирамиз! Adolat.uz | Facebook | Telegram | Instagram

🟦🟦🟦🟦 АФВ – ХАЛҚИМИЗГА ХОС ҚАДРИЯТ Ўзбекистон Республикаси Конституцияси қабул қилинганлигининг 33 йиллиги муносабати билан “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Президент фармони эълон қилинди. Аввало, ушбу фармон мамлакатимизда кечаётган кенг қамровли ислоҳотлар, жумладан, жамиятда инсонпарварлик, меҳр-оқибат, бағрикенглик ғояларини мустаҳкамлашга қаратилган давлат сиёсатининг амалий ифодасидир. Ушбу ҳужжат нафақат бир гуруҳ фуқароларнинг озодликка чиқишига сабаб бўлмоқда, балки ижтимоий бирдамлик қадриятларини мустаҳкамлашга ҳам хизмат қилади. Президентимиз ташаббуси билан юртимизда сўнгги йилларда афв институтининг мазмун-моҳияти тубдан янгиланди. Натижада, муқаддам жиноят содир этган шахсларнинг индивидуал ҳолатидан келиб чиқиб, жамиятга қайтариш учун имкон яратилди. Бу борада қабул қилинган навбатдаги фармонга мувофиқ, жазо муддатини ўтаётган ҳамда ўз қилмиши учун чин дилдан тавба қилиб, жамиятга қайта мослашиш ниятида бўлган 615 нафар шахс афв этилди. Бу рақамлар ортида инсонлар тақдири, оилаларнинг эртанги кунга умиди мужассам. Қайд этилишича, 220 нафар шахслар асосий жазодан тўлиқ, 123 нафари шартли озод этилмоқда. Шунингдек, 97 нафарининг жазоси енгилроқ жазо билан алмаштирилади, 175 нафар шахснинг жазо муддатлари қисқартирилади. Бу мамлакатимизда инсонпарвар сиёсатнинг устувор эканини яна бир бор тасдиқлайди. Афв этилаётганлар орасида 29 нафар аёл, 23 нафар 60 ёшдан ошган эркаклар, 264 нафар ёшлар, шунингдек, чет эл фуқаролари ҳам борлиги фармоннинг асосий мақсади хато қилган, аммо тўғри хулоса чиқарганларга иккинчи имконият берилаётганидан даракдир. Афв этиш фақат жазонинг енгиллашуви эмас. Энг аввало, оилалар тикланиши, фарзандларнинг ота-она бағрига қайтишидир. Ёшлар эса ўз хатосидан сабоқ олиб, меҳнатга, таълим олишга киришади. Зеро, фармонда афв этилганларни ҳаётга мослаштириш, уларга психологик ёрдам кўрсатиш, иш билан таъминлаш, соғлом турмуш тарзига қайтариш, ижтимоий реабилитация қилиш чоралари ҳам белгиланган. 🔴 “Адолат” СДП афв институтини Ўзбекистоннинг ҳуқуқий-демократик давлат сифатидаги халқаро нуфузини мустаҳкамлайдиган, жамиятда инсон ҳуқуқларига ҳурмат тамойилини қарор топтирадиган муҳим қадам сифатида баҳолайди. Ҳар қандай инсон хато қилиши мумкин. Муҳими, буни англаб, тўғри йўлга қайтишдир. Бундай инсонларга ишонч билдириш, жамиятга қайтиши учун шароит яратиш демократик жамиятнинг юксак фазилати саналади. Шу маънода афв этилган шахслар жамиятга қайтгач, уларни ҳаётга мослаштириш вазифаси фақат масъул идоралар зиммасидагина қолмаслиги керак. Маҳалла, жамоатчилик, хусусан, сиёсий партиялар ҳам ушбу жараёнда фаол иштирок этиши зарур. Уларнинг муаммоларига қулоқ тутиб, ҳал этиш чораларини кўрсак, асосий мақсадимизга эришамиз. Adolat.uz | Facebook | Telegram | Instagram

🟦🟦🟦 ҚОНУН УСТУВОР ЖАМИЯТДА АДОЛАТ БАРҚАРОР БЎЛАДИ Қадрли юртдошлар! Шу кунларда давлатчилигимиз тарихида янги даврни бошлаб берган миллий байрамларимиздан бири – Ўзбекистон Республикаси Конституцияси қабул қилинганлигининг 33 йиллиги мамлакатимиз бўйлаб кенг нишонланмоқда. Аввало, ушбу шукуҳли айём билан барчангизни “Адолат” СДПнинг бир миллиондан ортиқ аъзолари номидан самимий муборакбод этамиз. Бош Қомусимиз давлатимизнинг суверенитети рамзи, халқимизнинг фахр ва ифтихори манбаи ҳисобланади. Конституция ижтимоий адолат ва тенглик принципларига асосланган жамият барпо этишнинг ҳуқуқий кафолатидир. Қолаверса, инсон ҳуқуқ ва эркинликларини мустаҳкам ҳимоя қилишда, давлат бошқарувининг асосий мезонлари ва миллий бирликнинг мустаҳкам кўприкларини белгилашда муҳим ўрин тутади. 2023 йил 30 апрель куни ўтказилган умумхалқ референдуми орқали қабул қилинган янги таҳрирдаги Конституциямиз бевосита халқимизнинг иродаси ва хоҳиш-истакларини ифодалаши билан тараққиётимизнинг янги даврини бошлаб берди. Натижада, ҳуқуқий тизимни янада такомиллаштиришга, ҳар бир фуқаронинг ҳаётида муҳим ижтимоий-иқтисодий, сиёсий ва маданий ўзгаришларни амалда таъминлашга замин яратилди. Мамлакатимизда жамиятнинг барча қатламлари учун тенг ҳуқуқ ва имкониятлар бериш, ижтимоий адолатни таъминлаш, инсон қадр-қимматини ҳурмат қилиш ва унинг ҳуқуқларини ҳимоялаш Конституциямизнинг асосий мазмун-моҳиятини ташкил қилади. Қолаверса, Бош Қомусимиз юртимизда демократик давлат ва фуқаролик жамияти барпо этишда ҳам асосий роль ўйнамоқда. Юртимизнинг дунё ҳамжамиятида муносиб ўрин эгаллаши ва ҳудудий барқарорликни таъминлашга хизмат қилмоқда. Конституциямиз, аввало, инсон қадрияти устуворлигини таъминлайди, ҳар бир фуқаронинг ҳуқуқ ва эркинликларини ҳимоя қилади, уларнинг ривожланиши учун кенг имкониятлар яратади. Шу билан бирга, давлат бошқаруви самарадорлигини ошириш, қонун устуворлигини таъминлаш ва ижтимоий муносабатларда очиқлик ва шаффофликни мустаҳкамлаш орқали, миллий тараққиётимизга янги куч беради. Ана шунинг учун ҳам “Конституция – бахтимиз қомуси”, деймиз. Ҳурматли ҳамюртлар! Хабарингиз бор, партиямиз Бош Қомусимиз тамойилларини аҳоли орасида кенг ёйиш, унинг ҳар бир банди юртдошларимиз қалбидан мустаҳкам ўрин эгаллашига муносиб ҳисса қўшиб келмоқда. Шу мақсадда, партиямиз фаоллари ташаббуси билан Бош Қомусимизнинг аудиокитоб варианти яратилди ва Ўзбекистон Миллий кутубхонасининг филиаллари, шунингдек, имконияти чекланган юртдошларимизни бирлаштирган барча муассасаларга беғараз тарқатилди. Сайловолди дастуримизда аҳолининг ҳуқуқий саводхонлигини ошириш, барча фуқароларнинг Конституциядан фаол фойдаланишини таъминлаш, ҳудудларда “Конституция” хиёбонларини барпо этиш таклифини илгари сурганимиз бежиз эмас. Жамиятда қонунлар устувор бўлсагина адолат таъминланади. Бу борадаги саъй-ҳаракатларимизни бундан кейин ҳам тизимли давом эттирамиз. Фурсатдан фойдаланиб, барчангизни яна бир бор Ўзбекистон Республикаси Конституцияси куни билан чин дилдан табриклаймиз! Ватанимиз тараққиёти йўлида бирдамлик ва фидойилик билан хизмат қилиш, адолат ва ҳуқуқ устуворлигини мустаҳкамлашга ҳисса қўшиш ҳаммамизнинг бурчимиздир. Юртимиз тинч, осмонимиз мусаффо бўлсин! Adolat.uz | Facebook | Telegram | Instagram

#ҲАФТА_ТАҲЛИЛИ 🔴Ўзбекистон “Адолат” социал-демократик партияси ва унинг Олий Мажлис Қонунчилик палатасидаги фракцияси томонидан якунига етган ҳафта давомида ўтказилган муҳим тадбирлар, депутатларимизнинг мамлакатимизда юз бераётган ижтимоий-сиёсий воқеликлар юзасидан муносабатлари бўйича ҳафталик дайжест. 🔴Ўзбекистон “Адолат” СДП Матбуот хизмати 🎞 Бизни кузатиб боринг! ⚖️Расмий саҳифаларимиз

🟦🟦🟦🟦 БАРҚАРОР ЭНЕРГЕТИКА АҲОЛИ ФАРОВОНЛИГИНИ ТАЪМИНЛАЙДИ Мамлакатимиз энергетика соҳасида тарихий давр кечмоқда. Бугун Президентимиз иштирокида ўтган “Барқарор энергетика – Янги Ўзбекистоннинг келажак сари ишончли қадами” мавзусидаги анжуманда билдирилган фикрлар ҳам фикримизни тасдиқлайди. Энергетика соҳасидаги ислоҳотлар шунчаки, кўпроқ электр энергияси ишлаб чиқариш эмас, балки мустақил, хавфсиз ва барқарор иқтисодий тизим яратиш демакдир. Бу борада сўнгги 8 йилда амалга оширилган ишлар кўлами ҳақиқатан улкан бўлди. Йиғилишда қайд этилганидек, мамлакатимиз энергетика тизимига сўнгги йилларда кириб келган 35 миллиард долларлик хорижий инвестиция 9 минг мегаватт ҳажмли янги қувват манбаи ишга туширилишига замин яратди. Бу иқтисодиётни модернизация қилиш, саноатни ривожлантириш ва аҳоли турмуш даражасини ошириш йўлида мустаҳкам пойдевор саналади. 🔴БАТАФСИЛ Adolat.uz | Facebook | Telegram | Instagram

Бугун Қонунчилик палатасида бўлиб ўтган навбатдаги парламент эшитувида Миллатлараро муносабатлар ва хориждаги ватандошлар масалалари бўйича қўмита раисининг ахборотини тингладик. Бизга тақдим этилган ахборот – мамлакатимизда миллатлараро тотувлик ва бағрикенглик муҳитини янада мустаҳкамлаш борасида амалга оширилаётган ишлар миқёси нақадар улкан эканини яна бир бор кўрсатди. Президентимиз томонидан олиб борилаётган халқлар дўстлигини мустаҳкамлаш сиёсати туфайли дунё сиёсий лексиконида мустаҳкам ўрин олган “Марказий Осиё руҳи” бугун минтақа бирдамлиги ва ўзаро ишончининг стратегик пойдеворига айланди. 🔴 “Адолат” СДП фракцияси бу ташаббусларни тўлиқ қўллаб-қувватлайди ва уни юрт равнақининг муҳим сиёсий устуни деб билади. 🇺🇿 Бир Ватан – бир халқ – бир келажак Мамлакатимизда 130 дан ортиқ миллат ва элат вакиллари ягона оила сифатида яшаб келмоқда. Мактабларда 7 тилда таълим, ОАВда 12–14 тилда эфир ва нашрлар, миллий маданий марказларга давлат кўмаги – буларнинг барчаси тенг ҳуқуқ ва тенг имкониятлар сиёсатининг амалдаги натижаларидир. Таъкидланганидек, айни пайтда интернетда тарқатилаётган уйдирмалар, халқлар орасига ёт фикр солишга қаратилган провокациялар – жиддий хавф. Шу боис биз ёлғон ахборотга тезкор муносабат билдириш, бағрикенгликни тарғиб қилиш, медиа саводхонликни кучайтириш каби чораларни янада кенгайтириш зарур, деб ҳисоблаймиз. 🌍 Яна бир муҳим гап: фуқароларимиз қаерда бўлмасин, уларнинг хулқ-атвори юрт шарафига мос бўлиши шарт, тартиб ва маданият — мамлакат имижининг кафолати бўлиши зарурлиги қайд этилди. Ўрни келганда айтиш керак, фракция ва партиямиз миллатлараро тотувликни таъминлаш йўналишида қатор лойиҳалари орқали мамлакатимизда миллатлар дўстлиги муҳити мустаҳкамланишига ҳисса қўшмоқда. “Байналмилал қадриятлар ва миллий бирлик”, “Бир юрак – бир Ватан” лойиҳалари доирасида этномаданий кўргазмалар ва давра суҳбатларида жамиятда тотувлик ва ўзаро ҳурмат муҳитини янада кучайтириш юзасидан қизиқарли фикрлар алмашинади, конструктив таклифлар ўртага ташланади. Бизнинг позициямиз қатъий - мамлакатимизда минтақавий маданий алмашинувларни янада кўпайтириш, ёшлар учун қўшма таълим ва илмий платформаларни кенгайтириш ҳамда хавфсизлик ва ҳамжиҳатликнинг ҳуқуқий асосларини мустаҳкамлаш лозим ва бу йўлда бизнинг фракциямиз пешқадам бўлишга тайёр. Хулоса шуки, “Адолат” СДП фракцияси бу йўналишдаги барча ислоҳот ва ташаббусларни қўллаб-қувватлайди ҳамда парламент ва жамоатчилик майдонида изчил фаолият олиб боришда давом этади. Adolat.uz | Facebook | Telegram | Instagram

🔴Қонунчилик палатаси томонидан 2026 йил учун давлат бюджети тўғрисидаги қонун лойиҳаси қизғин баҳс-мунозараларга сабаб бўлди. Ушбу жараёнда “Адолат” СДП фракцияси аъзолари ҳам фаол иштирок этиб, лойиҳани янада такомиллаштиришга муносиб ҳисса қўшишди. 🔴 Хусусан, фракциянинг Буджет ва иқтисодий масалалар қўмитаси ҳамда Меҳнат, соғлиқни сақлаш ва ижтимоий масалалар қўмитаси билан ҳамкорликдаги саъй-ҳаракатлари натижасида келгуси йил соғлиқни сақлаш соҳаси учун йўналтирилиши режалаштирилган маблағлар сезиларли даражада оширилишига эришилди. Хусусан, депутат Манзура Салимова “Болаларни қўллаб-қувватлаш жамоат фонди” учун ажратилиши режалаштирилаётган 30 миллиард сўм маблағ мавжуд эҳтиёжни тўла қондира олмаслигига эътибор қаратди. Оғир вазиятга тушиб қолган, ижтимоий ҳимояга муҳтож болаларни аниқлаш ҳамда уларга манзилли ижтимоий ва моддий ёрдам кўрсатишда ушбу фонднинг аҳамияти катта. Шунингдек, фонд имконияти чекланган болаларни бепул дори воситалари, тиббий ва протез-ортопедик буюмлар билан таъминлаш, уларнинг инклюзив таълим олишини ташкил қилишда ваколатли тузилма ҳисобланади. Жорий йил мазкур мақсадларга фонд томонидан 55,5 миллиард сўм маблағ йўналтирилган. Депутатнинг аниқ таҳлиллар билан билдирган фикрларидан сўнг фонд учун 97 миллиард 387 миллион сўм ажратилиши белгиланди. Депутат Тоҳир Полвонов эса Хоразм вилоятида чақалоқларнинг ретинопатия билан хасталаниши кузатилаётгани, тезкор чоралар кўрилмаса, кўплаб болалар келгусида кўриш билан боғлиқ муаммоларга дуч келиши мумкинлигини таъкидлади. Унинг таклифига кўра, Хоразм вилояти перинатал марказига офтальмоскоп ускунаси харид қилиш учун 300 миллион сўм ажратилиши тасдиқланди. Шунингдек, ушбу марказнинг реанимация бўлимига қўшимча 30 та койка ажратиладиган бўлди. Онкологик касалликлар замонавий тиббиётнинг оғриқли мавзуларидан биридир. Ушбу хасталикнинг сўнгги босқичида беморларга поллиатив ёрдам кўрсатиш жуда муҳим. Ривожланган давлатларда ушбу мақсад учун “хоспис”лар ташкил қилинган. У ерда барча замонавий шароитлар яратилади, махсус малакали шифокорлар, ҳамширалар, психологлар ва ижтимоий ходимлар фаолият кўрсатади. Кўп йиллардан бери мамлакатимизда ҳам шундай тиббий муассаса ташкил этиш муҳокамалар марказида бўлиб келаётган эди. Фракциямиз ташаббуси билан илк бор республикамизнинг 3 та ҳудудида “хоспис” ташкил қилиниши белгиланмоқда. Тошкент шаҳри ҳамда Фарғона ва Навоий вилоятларида ташкил этилажак хоспислар учун 50 миллиард сўм ажратилди. ➡️ Бундан ташқари, депутат Беҳзод Тўхтамуродов томонидан илгари сурилган Навоий вилояти Конимех туманининг олис ҳудудлари аҳолисига қўшимча тез ёрдам автомобили ажратилиши ташаббуси муҳокамалар давомида қабул қилинди. Қайд этиш жоизки, партиямиз Сайловолди дастурида соғлиқни сақлаш масаласига биринчи навбатдаги ижтимоий вазифа сифатида белгиланган. Шу маънода, тиббиёт ходимларининг ижтимоий ҳимоясини кучайтириш, соҳага замонавий технологияларни жорий этиш, олис ҳудудлардаги оилавий шифокор пунктлари ва поликлиникалар учун муносиб шароитлар яратиш “Адолат” СДП учун стратегик мақсадлардан ҳисобланади. ⚖️Расмий саҳифаларимиз

🟦🟦🟦 Қонун лойиҳаси юзасидан конструктив таклифлар берилди 🔴 Олий Мажлис Қонунчилик палатасидаги “Адолат” СДП фракцияси йиғилишида “2026 йил учун Ўзбекистон Республикасининг Давлат бюджети тўғрисида”ги қонун лойиҳасини кўриб чиқилди. Депутатлар ижтимоий соҳага йўналтирилаётган маблағлар ҳамда бошқа аҳоли турмуш фаровонлигини оширишга қаратилган мақсад ва вазифаларга алоҳида эътибор қаратишди. БАТАФСИЛ ⚖️Расмий саҳифаларимиз

🟦🟦🟦🟦 ЭКОЛОГИК БАРҚАРОРЛИК – МИЛЛАТ САЛОМАТЛИГИ ВА КЕЛАЖАК АВЛОД ОЛДИДАГИ МАСЪУЛИЯТДИР Бугунги глобал иқлим ўзгаришлари ва урбанизация шароитида экологик хавфсизликни таъминлаш масаласи нафақат табиатни муҳофаза қилиш, балки инсоннинг яшаш ҳуқуқи, саломатлиги ва келажагини ҳимоя қилишга оидлиги билан аҳамиятлидир. Пойтахтимиз – Тошкент шаҳрида сўнгги вақтларда кузатилаётган экологик вазият, ҳаво сифатининг ўзгариши ва унинг аҳоли саломатлигига салбий таъсири кечиктириб бўлмас, қатъий ва тизимли чораларни талаб этаётган эди. Шу маънода, Ўзбекистон Республикаси Президенти томонидан имзоланган “Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида”ги фармон давлат сиёсатида инсон манфаатлари ва аҳоли саломатлиги ҳар нарсадан устун эканлигининг яққол тасдиғи, айни вақтида қабул қилинган ҳаётий ҳужжат бўлди. 🔴 Фармонга мувофиқ, Тошкент шаҳрида экологик вазиятни яхшилаш бўйича Махсус комиссия тузилиши ва унга кенг ваколатлар берилиши, шунингдек атмосфера ҳавосини яхшилашга қаратилган кенг қамровли чораларни кўрилиши белгиланганлиги мавжуд муаммони ҳал этиш давлат сиёсати даражасига кўтарилганини англатади. Шу билан бирига, тан олиш керак, экологик муаммоларни фақатгина маъмурий чекловлар ва комиссия қарорлари билан тўлиқ ҳал этиб бўлмайди. Бу жараёнда қонун устуворлиги ва жазо муқаррарлиги тамойили ҳал қилувчи аҳамиятга эга. 🔴 “Адолат” социал-демократик партияси ўзининг Сайловолди дастурида атроф-муҳит муҳофазасини кучайтириш масаласини устувор вазифа сифатида белгилаган. Шу боис, партия фармонда белгиланган устувор мақсадларга эришиш йўлида йўл харитасини ишлаб чиқди ва ушбу чора-тадбирлар доирасида қуйидагиларни амалга оширишни режалаштирганмиз. Биринчидан, экология соҳасидаги қонунчиликни қайта кўриб чиқиш ва кескинлаштириш бўйича таклифлар ишлаб чиқамиз. Биз очиқ айтишимиз керак: бугунги кунда атроф-муҳитга зарар етказганлик учун белгиланган жарималар ва маъмурий чоралар кутилган натижани бермаяпти. Афсуски, кўп ҳолларда тадбиркорлар ёки қурувчилар учун дарахтни кесиб, ўрнига арзимас жаримани тўлаб, ўз биносини қуриш иқтисодий жиҳатдан “фойдалироқ” бўлиб қолмоқда. Бу – қонунчиликдаги бўшлиқ ва ўз навбатида, атроф-муҳитга, аҳоли саломатлигига нисбатан адолатсизликдир, бундай қилмиш оддий ҳуқуқбузарлик эмас, балки оғир жиноят сифатида баҳоланиши зарур. Иккинчидан, дарахтларни ноқонуний кесиш, яшил ҳудудларни йўқ қилиш, ҳаво ва сувни қасддан ифлослантириш ҳолатлари учун фақатгина жарима ёки маъмурий жазо эмас, балки озодликдан маҳрум қилишгача бўлган жиддий жиноий жавобгарликни белгилаш бўйича ташаббусларни илгари сурамиз. Қайд этиш жоизки, халқаро тажрибада ҳам экотизимнинг издан чиқишига сабаб бўлган хатти-ҳаракатлар оғир жиноят сифатида баҳоланади. Европа иттифоқи ҳудудида содир этилган экологик жиноятлар учун 10 йилгача озодликдан маҳрум қилиш, 40 млн. еврога қадар жиноий жаримага тортиш жазоси белгиланган. Россия Федерацияси, қўшни қардош давлатларда ҳам атроф-муҳитга зарар етказганлик учун кескин жазо чоралари белгиланган. Зотан, экологик жиноятлар учун енгил жазога йўл қўйиб бўлмайди, аксинча, бу борада қатъий ва қаттиқ жазо чоралари – бугунги кун талабидир. Учинчидан, электоратимизнинг барча вакиллари билан учрашувлар ва давра суҳбатларида юртимизда атроф-муҳитни асраш ва атмосфера ҳавосини яхшилашда нафақат давлат ташкилотлари, жамоатчилик вакиллари балки барча фуқароларимиз ҳам фаол иштирок этиши борасида кенг қамровли тушунтириш ишларини олиб борамиз. ⚖️ “Адолат” социал-демократик партияси Ахборот хизмати

ПСИХИАТРИЯ ЁРДАМИГА ОИД ҚОНУНЧИЛИК ТАКОМИЛЛАШТИРИЛИШИ ЗАРУР Сўнгги вақтларда руҳий мувозанатида ўзгариш бўлган шахслар томонидан жиноят содир этиш ҳолатлари, афсуски, кўпайиб бормоқда. Тошкент шаҳрида руҳий хаста фуқаронинг ИИБ ходимига оғир тан жароҳати етказгани, Сурхондарё вилоятида 3 ёшли қизалоқнинг ўлимига сабаб бўлгани ижтимоий тармоқларда кенг муҳокамаларга сабаб бўлди. 2022 йилда юз берган шунга ўхшаш яна бир ҳолатда руҳиятида ўзгариш бўлган она ўз фарзандини айиқ қафасига ташлаб юборганди. Ўшанда мўъжиза сабаб омон қолган қизча 2025 йилда ўз онаси томонидан пичоқлаб, ўлдирилди. Демак, ушбу масалада реал муаммолар мавжуд. Уларни аниқлаш ва ҳал этиш кечиктириб бўлмас вазифа ҳисобланади. 🔴“Адолат” СДП Сиёсий кенгаши раиси, Қонунчилик палатасидаги партия фракцияси раҳбари Робахон Махмудова иштирокида Фарғона вилояти судида ўтган семинар ушбу долзарб мавзуга бағишланди. Унда қонунчиликда учраётган бўшлиқларни тўлдириш, хусусан, “Психиатрия ёрдами тўғрисида”ги қонунни такомиллаштириш, унга ўзгартириш ва қўшимчалар киритишга оид таклифлар юзасидан фикр алмашилди. Семинарда фуқаролик ишлари бўйича вилоят суди судьялари, прокуратура, ички ишлар органи мутасаддилари, соғлиқни сақлаш бошқармаси, асаб ва руҳий касалликлар диспансери масъуллари қатнашди. Партия етакчиси Робахон Махмудова Олий суднинг 2025 йил 10 ноябрдаги қароридан келиб чиқувчи вазифалар, янги тартиб-таомилларни амалиётга жорий этиш механизми ва муваффақиятли ижро этиш учун масъул идоралар билан ҳамкорлик алоқаларини кучайтириш зарурати ҳақида сўз юритди. Муҳокамалар давомида психиатрия ёрдамини ташкил этиш, мажбурий даволаш амалиётидаги ҳуқуқий ва тиббий ёндашувлар, ғайриихтиёрий госпитализация жараёнида учраётган муаммолар, суд ва соғлиқни сақлаш тизими электрон платформаларини ўзаро интеграция қилиш имкониятлари кўриб чиқилди. Шунингдек, халқаро тажрибани ўрганиш ва амалиётга жорий этиш, мутахассислар малакасини ошириш тизимини самарали ташкил қилиш бўйича таклифлар билдирилди. Мақсад эса битта, руҳий хаста фуқаролар жамиятга хавф туғдиришининг олдини олиш, оғир жиноятлар содир этилишига чек қўйиш, уларни ўз вақтида даволаш орқали соғлом ҳаётга қайтаришдан иборатдир. Adolat.uz | Facebook | Telegram | Instagram

Асака тиббиёти пойтахтдан қолишмайди 🔴 Бемор учун ҳар дақиқа ғанимат. Тиббий хизматни рақамлаштириш, шаффоф ва тезкор механизмлар асосида ташкил этиш шунинг учун ҳам замон талабига айланмоқда. Бирламчи бўғинда амалга оширилаётган ишлар нечоғли самара бераётганини ўрганиш мақсадида Асака тумани соғлиқни сақлаш бўлимида бўлдик. Таъкидлаш керак, давлатимиз раҳбарининг жорий йил 19 майда қабул қилинган “Республикада соғлиқни сақлаш тизимини ва аҳолига тиббий хизмат кўрсатиш тамойилларини такомиллаштириш орқали соҳани ислоҳ қилишни изчил давом эттириш чора-тадбирлари тўғрисида”ги фармони доирасида соҳага янги мазмун олиб кирди. Аввало, мазкур фармон асосида туман тиббиёт бирлашмаси соғлиқни сақлаш бўлими сифатида қайта ташкил этилди. Янги таркибий тузилма тиббий хизматларни бир марказда жамлаб, бошқарув механизмларини самарали қилишга хизмат қилмоқда. Натижада 364 мингдан ортиқ аҳолига хизмат кўрсатадиган 19 та оилавий поликлиника ташкил қилинган. Бири янгидан барпо этилиб, яна 4 таси тубдан таъмирланган. Ушбу мақсад учун қарийб 35 миллиард сўм йўналтирилган. Бу эса тиббий хизматни аҳолига яқинлаштириш, бирламчи бўғинни кучайтириш ва профилактик тиббиётни марказий ўринга қўйишни таъминлайди. Шу билан бирга, илгари марказий поликлиникада фаолият юритган тор доира мутахассислари янги ташкил этилган Маслаҳат-диагностика бўлимига бириктирилди. Натижада, аҳоли учун турли махсус текширувлар бир жойда, юқори даражада ташкил этилган ҳолда кўрсатила бошланди. Туман марказий шифохонаси ва туғуруқ комплекси “Тиббиётда зарбдор 90 кунлик” доирасида тўлиқ капитал таъмирланди ва фойдаланишга топширилди. Бугун бу масканлардаги шарт-шароит, замонавий жиҳозлар ва хизмат маданияти нафақат аҳоли розилиги, балки шифокорларнинг иш унумдорлигини ҳам сезиларли оширмоқда. Оилавий поликлиникалар кафолатланган пакет доирасида аҳолига бериладиган 68 турдаги бепул дори-дармонлар билан доимий таъминланмоқда. Барча 2-типдаги поликлиникалар замонавий УТТ аппаратлари билан, 4 таси эса мобил-рентген қурилмалари билан жиҳозланган. Соҳани рақамлаштириш жараёнида барча тиббиёт муассасалари, жумладан, марказий шифохона компьютерлар, инфокиоск, принтер билан таъминланиб, интернет тармоғига уланган. Аҳолини электрон рўйхатга олиш ҳам деярли якунланибди. Барча мурожаатлар “D-Med” электрон платформаси орқали қайд этиляпти. Бунда бемор ўз уйидан туриб, оилавий шифокор қабулига электрон навбат олиши, барча тиббий маълумотларни электрон тарзда кўриши мумкин. Биз учун яна бир муҳим янгилик – Туркия модели асосида марказий лаборатория ташкил этилгани бўлди. Замонавий “IHLA” аппарати ёрдамида бир вақтнинг ўзида 60 турдан ортиқ таҳлиллар ўтказилмоқда. Натижалар “LAT” электрон тизими орқали “D-Med” платформасига жойланади. Бу эса беморларнинг маълумот қидириб, сарсон-саргардон юришига чек қўяди. Биоматериаллар туман бўйлаб барча поликлиникалардан махсус автотранспорт орқали марказий лабораторияга етказилади. Буларни ўз кўзимиз билан кўриб, амалий жараёнларга яқиндан баҳо берган ҳолда, соҳа вакиллари билан очиқ мулоқот ўтказдик. Амалга оширилаётган ислоҳотлар қаердадир тўхтаб қолмаслиги, балки халқ манфаати йўлида узлуксиз қўллаб-қувватланиши зарурлигини айтдик. Шунингдек, ҳудудда профилактика маданиятни кучайтириш, партиямизнинг она ва болалар соғлиғини мустаҳкамлашга қаратилган лойиҳаларига аҳолини кенг жалб этиш масалаларини алоҳида муҳокама қилдик. Adolat.uz | Facebook | Telegram | Instagram