Robaxon Maxmudova

🟦🟦🟦🟦 СУНЪИЙ ИНТЕЛЛЕКТ ДАВРИ ХАЛҚИМИЗГА ЯНГИ ҚУЛАЙЛИКЛАР ЯРАТАДИ Мамлакатимизда амалга оширилаётган кенг кўламли ислоҳотларнинг марказида инсон қадри ва унинг қонуний манфаатларини ҳимоя қилиш туради. Президентимизнинг пойтахтимизда ўтказилган бюрократияни камайтириш масалаларига бағишланган халқаро форумдаги нутқида ҳам айни шу жиҳатлар қамраб олинди. Давлат хизматларини модернизация қилиш, ортиқча тартиб-таомилларни бекор қилиш ва рақамли давлат экотизимини шакллантириш борасидаги устувор вазифалар белгилаб берилди. Аввало, қайд этиш жоизки, замонавий имкониятлардан фойдаланган ҳолда ортиқча қоғозбозликларга чек қўйиш бугунги куннинг талабларидан биридир. Президентимиз томонидан тасдиқланган янги дастур давлат ва фуқаро, давлат ва бизнес ўртасидаги муносабатларни тубдан янги босқичга олиб чиқади. Пировард мақсад – 2030 йилга қадар мамлакатимизни ривожланган давлатлар даражасига олиб чиқишдан иборат. Қайд этилганидек, бунинг учун давлат хизматлари сони 1,5 мингтага етказилади, уларнинг 95 фоизи электрон шаклга ўтказилади. Келгуси йилнинг ўзида 250 та янги электрон хизмат ишга туширилиши бу борадаги мақсадларимиз нақадар собит эканидан дарак беради. Бу ўзгаришлар ҳар бир фуқаронинг кундалик ҳаётида сезиларли енгиллик яратади. Навбат, ортиқча қўшимча маълумотлар аста-секин йўқолади. Президент белгилаб берган дастурдаги энг муҳим вазифалардан бири – тўлиқ рақамли ҳукуматга ўтишдир. Шу мақсадда 40 миллион ҳужжатдан 25 миллиони рақамлаштирилиши, кейинги йилда яна 5 миллион ҳужжат электрон шаклга ўтказилиши кўзда тутилмоқда. Эндиликда фуқаро ариза ёзиб югурмайди – маълумотлар автоматик тарзда йиғилади, қарорлар тезкор ва шаффоф қабул қилинади. Бизнес учун яратилган енгилликлар ҳам дастурнинг асосий йўналишларидан биридир. Таъкидланишича, 300 дан ортиқ хизмат соддалаштирилади, 100 дан ортиқ хизматнинг муддати 50 фоизга қисқаради. Бу тадбиркорлик муҳитини янада эркин, очиқ, қулай ва рақобатбардош қилади, деб ҳисоблаймиз. Қолаверса, сунъий интеллект имкониятлари бюрократияни бартараф этишнинг энг самарали воситасидир. Дастурнинг амалга оширилиши сунъий интеллект платформалари ва рақамли ечимлар орқали таъминланади. Яъни, давлат хизматлари портали, “Лицензия” тизими, Божхонанинг “Ягона дарча”си, колл-марказлар тизими замонавий технологиялар асосида ишлайди. Шунингдек, самарадорликни баҳолаш, янгиликлар киритиш ва барча жараёнларни мониторинг қилиш учун алоҳида дастур офиси ташкил этилади. Энг илғор таклифларни илгари сурган фуқаролар, тадбиркорлар ва давлат хизматчилари моддий рағбатлантирилади. Бюрократияни камайтириш фақат техник ислоҳот эмас, балки инсон қадрини улуғлашга қаратилган кенг қамровли давлат сиёсатидир. Шу маънода, янги дастур халққа хизмат қилувчи замонавий, инсонпарвар ва адолатли давлат тузиш йўлидаги муҳим қадамлардан бири ҳисобланади. Adolat.uz | Facebook | Telegram | Instagram

“Садда таги”нинг азамат миришкорлари Турмуш фаровонлиги эртанги кунга ишонч, барқарор даромад ва меҳнатга таяниб, рўзғорни тўкин қилишга ҳам боғлиқ. Шу жиҳатдан томорқа майдонларидан самарали фойдаланиш аҳолининг иқтисодий барқарорлигини таъминлашда муҳим аҳамиятга эга. Қолаверса, минтақамизда кузатилаётган иқлим ўзгариши, сув етишмовчилиги ва ер ресурсларининг чеклангани қишлоқ хўжалигини самарали ташкил этишни талаб қилади. Ана шу мақсадда амалиётга жорий қилинган “Бир ҳудуд – бир маҳсулот” тамойили аҳоли даромадларини ошириш, озиқ-овқат хавфсизлигини таъминлашда қўл келмоқда. Натижада меҳнат ресурси, ер сифати ва бозор талаби ўртасида мутаносиб муносабат шаклланяпти. “Садда таги” маҳалласида йўлга қўйилган саримсоқпиёз етиштириш тажрибаси фикримиз тасдиғидир. 🔴 Маҳалла “етилиги” фаолияти билан танишгач, саримсоқпиёз даласига бордик. Маҳсулотга талаб юқори бўлгани учун маҳалланинг иқтисодий драйверига айланган. Ўтган йили 108 нафар ишсиз фуқарога 30 йил муддатга 15 сотихдан ер ажратилган экан. Улар бир йилда даромадга чиқиб, рўзғорини тиклаб олгани қувонарлидир. Саримсоқпиёз ва маккажўхори экинларини алмашлаб экиш орқали унумдорлик ҳам, суғориш мувозанати ҳам таъминланмоқда. Айтишларича, ҳар бир оила мавсум якунида 30 миллион сўмгача даромад оляпти. Энг муҳими, маҳсулот тўлиқ ички бозорга етказиб берилади. Демак, “Садда таги” миришкорлари халқимиз дастурхони тўкин бўлишига ҳам муносиб улуш қўшишяпти. Бу тажриба, ўз навбатида, чекка ҳудудда ҳам аграр иқтисодиётни оқилона режалаштириш орқали катта маблағ талаб қилмайдиган, лекин тез даромад берувчи бизнес турларини йўлга қўйиш мумкин эканини исботлайди. Саримсоқпиёз далаларини айланиб, аҳоли кайфиятини кузатиб, одамларда эртанги кунга ишонч мустаҳкамланаётганини кўрдик, сездик. Adolat.uz | Facebook | Telegram | Instagram

“Садда таги”да ижтимоий ҳимояни кучайтириш масалаларини муҳокама қилдик Маҳалла энди аввалгидек, шунчаки маъмурий ҳудуд эмас, балки давлат ва фуқаро ўртасидаги ишончли кўприкка айланган. Мамлакатимизда амалга оширилаётган кўплаб ислоҳотлар ушбу қуйи тизимнинг ўзида амалга ошириляпти. Андижон туманидаги “Садда таги” маҳалласида бўлганимизда бунга яна бир карра ишонч ҳосил қилдик. Бунда маҳалладаги ўзгаришлар аҳоли ҳаётида қандай акс этаётгани, чекка ҳудуд аҳолиси яратилаётган имконият ва қулайликлардан қай тарзда фойдалана олаётганини ўргандик. Шунингдек, маҳалла ҳаётидаги барча асосий кўрсаткичларни атрофлича таҳлил қилдик. Маълумот ўрнида, “Садда таги” маҳалласи 2000 йилда ташкил этилган бўлиб, 435 гектар майдонни қамраб олган. Бугунги кунда “яшил” тоифага киритилган. Маҳаллада 4 минг нафардан ортиқ аҳоли истиқомат қилмоқда. Иқтисодий фаоллик йўналишида ижобий натижалар қайд этилаётгани бизни қувонтирди. Хусусан, тадбиркорлик анча ривожлана бошлабди. Ҳудудда 8 та савдо дўкони, 2 та мебель ишлаб чиқаришга ихтисослашган цех, 4 та новвойхона ва 3 та хизмат кўрсатиш шохобчаси фаолият юритаётгани фикримиз тасдиғидир. Тадбиркорликни қўллаб-қувватлаш мақсадида 2024 йилда аҳолига 40 та лойиҳа доирасида 1,8 миллиард сўм имтиёзли кредитлар ажратилган. Жорий йилнинг ўтган даврида эса 18 та оилавий тадбиркорлик лойиҳаси учун 261 миллион сўм кредит йўналтирилган. Бу рақамлар маҳалланинг бизнес муҳити учун яратилган шароитлар изчиллигини ва аҳоли фаоллигини кўрсатади. Ижтимоий ҳимоя тизими ҳам мақсадли ва манзилли амалга оширилмоқда. Маҳаллада 65 нафар пенсионер ва 114 нафар ногиронлиги бўлган шахслар рўйхатда туради. “Аёллар дафтари”га 93 нафар, “Ёшлар дафтари”га 7 нафар фуқаролар, “Темир дафтар”га эса 1 та оила киритилган. Хатловларда 107 та камбағал оила аниқланиб, уларнинг 73 тасини бугунги кунгача реестрдан чиқариш чораси кўрилгани манзилли ёрдам самарадорлигини кўрсатмоқда. Шу билан бирга, 15 та хонадонга қуёш панеллари ўрнатилган бўлиб, умумий қуввати 75 кВтни ташкил этади. Бу – “яшил энергетика”ни маҳалла даражасида жорий этишга қаратилган муҳим қадамдир. Таълим ва соғлиқни сақлаш инфратузилмаси ҳам кенг қамровли ҳолда фаолият юритмоқда. Маҳаллада 200 ўринли 3 та нодавлат боғча ва 386 ўринли умумтаълим мактаби ишлаяпти. Ўтган йили 36 нафар битирувчидан 14 нафари олий таълим муассасаларига киргани чекка ҳудудлар учун яхши кўрсаткич. Партиямиз нуқтаи назаридан таълим соҳасини қўллаб-қувватлаш муҳим йўналиш ҳисобланади. Шундан келиб чиқиб, ўқитувчилар ва тарбиячилар учун муносиб шароит яратиш, таълим сифати ва адолат тамойили устуворлигини таъминлаш бўйича бир қатор амалий таклифлар ишлаб чиқдик. Чунки адолатли таълим ёшлар келажагининг асосий кафолатидир. Ишсизлик масаласи ҳам диққат марказимизда бўлди. Маҳаллада 96 нафар ишсиз рўйхатда турибди, уларнинг 48 нафари аёллар, 24 нафари ёшлар, 24 нафари бошқа тоифа вакилларидир. Бир вақтнинг ўзида 78 нафар ишсиз ва 6 нафар меҳнат миграциясидан қайтган фуқаронинг бандлиги таъминлангани аҳоли фаровонлиги ошишига хизмат қилмоқда. Учрашув якунида маҳалладаги ишларга ижобий баҳо берилди. Шу билан бирга, “еттилик” фаолияти самарадорлигини ошириш, ёшлар орасида тадбиркорлик ташаббусларини кенг тарғиб қилиш ва ижтимоий қўллаб-қувватлаш чораларини кучайтириш бўйича таклифлар билдирдик. Шунингдек, эрта никоҳ ва жиноятчиликка қарши тарғиботни кучайтириш зарурлигига алоҳида эътибор қаратдик. Adolat.uz | Facebook | Telegram | Instagram

🟦🟦🟦 АНДИЖОН ЎЗБЕК ТИББИЁТИ МАРКАЗЛАРИДАН БИРИГА АЙЛАНМОҚДА Мамлакатимизда кечаётган шиддатли янгиланишлар, иқтисодий юксалиш ва инсон қадрини улуғлашга қаратилган ислоҳотлар ҳаётимиз мазмунига айланиб боряпти. Ушбу ўзгаришларнинг ҳақиқий қиймати эса, аввало, юртдошларимизнинг фаровон турмуши, келажакка ишончи ва кайфиятида намоён бўлади. Шу маънода, юртдошларимиз билан яқиндан суҳбат қилиб, ислоҳотларнинг амалдаги натижасини баҳолаш, таҳлил қилиш мақсадида ҳудудларда ўтказилаётган депутатлик ўрганишлари муҳим аҳамиятга эга. “Адолат” СДП Сиёсий Кенгаши раиси, Қонунчилик палатасидаги партия фракцияси раҳбари Робахон Махмудова бошчилигидаги ишчи гуруҳ бу гал Андижон вилоятида бўлди. БАТАФСИЛ ⚖️Расмий саҳифаларимиз

Ҳунарли аёл рўзғорида барака бўлади Хотин-қизлар салоҳиятини юзага чиқариш ва уларни иқтисодий жараёнларга жалб этиш борасидаги андижонликлар тажрибаси ҳам эътиборимизни тортди. Шундай муҳим ташаббуслардан бири 6 йилдан бери самарали фаолият юритиб келаётган Хотин-қизлар тадбиркорлик марказидир. 🔴 Ишчи гуруҳимизга марказ ижрочи директори, партиямиз фаоли Муқаддас Абдуллаева ҳамроҳлик қилди. Қайд этилишича, ушбу маскан давлат раҳбарининг 2019 йил 7 мартдаги қарори асосида ташкил этилган ва барқарор даромад манбаига эга бўлмаган, тадбиркорликка қизиқувчи хотин-қизлар учун мўлжалланган. Бу ерда тингловчилар ўз қизиқишаридан келиб чиқиб, уй меҳмонхонаси, иссиқхона, гўзаллик салони, тикувчилик, боғдорчилик, ҳунармандчилик, чорвачилик, асаларичилик, қандолатчилик, компьютер саводхонлиги каби йўналишларда 60 соатлик қисқа курсларда таълим олишади. Машғулотларни муваффақиятли якунлаган тингловчиларга сертификат тақдим этилади, шу асосда имтиёзли кредит олиш имконига эга бўлишади. Ушбу жараёнда уларга ҳоким ёрдамчилари амалий ёрдам кўрсатади. Мазкур тизимнинг яна бир муҳим жиҳати етакчи тадбиркорлар билан менторлик алоқаси ўрнатилганида. Уларнинг кўмаги билан қизлар ўз маҳсулотларига харидор топишлари мумкин. Жорий йилнинг ўтган даврида 6500 нафар хотин-қизлар касбга ўқитилгани бизни қувонтирди. Аҳамиятлиси, вилоятда шу каби 30 дан ортиқ қисқа курслар ташкил этилган, тадбиркор аёллар ўз маҳсулотларини бозорда сотолиши бўйича қўллаб-қувватланмоқда. Суҳбат асносида марказ раҳбариятига ўз тавсияларимизни бердик. Adolat.uz | Facebook | Telegram | Instagram

🟦🟦🟦🟦🟦 ҲЕЧ КИМ МЕҲР ВА ЭЪТИБОРДАН ЧЕТДА ЭМАС! 🔴 Мамлакатимизда инсон қадрини улуғлаш тамойили, аввало, ижтимоий ҳимояга муҳтож аҳоли қатламларига кўрсатилаётган эътиборда намоён бўлади. “Адолат” социал-демократик партияси Сиёсий Кенгаши раиси Робахон Махмудова бошчилигидаги ишчи гуруҳнинг Андижон вилоятидаги ўрганишлари давомида Ижтимоий ҳимоя миллий агентлиги тасарруфидаги “Имкониятлар олами” ҳудудий ижтимоий хизматлар маркази фаолияти билан танишилди. Партия етакчиси таъкидлаганидек, илгари фақат пойтахтда мавжуд бўлган бундай замонавий мажмуаларнинг бугун чекка ҳудудларда ҳам фаолият юритаётгани давлатимизнинг ижтимоий йўналишдаги сиёсати қамрови кенгайганидан далолатдир. Жаҳон амалиётида синалган инновацион методлар ва индивидуал ёндашув асосида иш олиб бораётган мазкур марказда айни пайтда 46 нафар малакали мутахассис фаолият юритмоқда. Ўрганишлар давомида марказнинг қамров кўламига алоҳида эътибор қаратилди. Ҳозирда ушбу муассасада: – Ривожланишда нуқсони бўлган 105 нафар болага ижтимоий-реабилитация ва таълимни ривожлантириш хизматлари кўрсатилмоқда. – Ногиронлиги бор ёки оғир ҳаётий вазиятга тушиб қолган 210 нафар ёшлар махсус педагог ва психологлар кўмагида жамиятга қайта мослаштирилмоқда. – Марказда хусусий тадбиркорлар билан ҳамкорликда йўлга қўйилган кўп тармоқли хизматлар эътиборга молик. Хусусан, 3 ёшдан 18 ёшгача бўлган ногиронлиги бор болалар учун “кундузги парвариш” ҳамда ўзгалар парваришига муҳтож катталар учун “қараб туриш” хизматлари йўлга қўйилган. Шунингдек, ота-она назоратисиз қолган, меҳнат мигрантлари ва кам таъминланган оила фарзандлари учун ташкил этилган куни узайтирилган гуруҳлар ҳамда ёшларни касб-ҳунарга йўналтириш лойиҳалари ижтимоий ҳимоянинг манзилли ва самарали эканини кўрсатмоқда. Хулоса ўрнида айтиш мумкинки, “Имкониятлар олами” маркази шунчаки ижтимоий объект эмас, балки имконияти чекланган юртдошларимизга ҳаётга қайтиш умидини берувчи, уларнинг жамиятга интеграциялашувини таъминловчи муҳим платформадир. Бундай комплекс ёндашув партиямизнинг ижтимоий адолат ва барқарорликни таъминлаш ғояларига тўла ҳамоҳангдир. ⚖️Расмий саҳифаларимиз

🟦🟦🟦🟦🟦 СИМУЛЯЦИОН МАРКАЗ: ТИББИЙ ТАЪЛИМДА СУНЪИЙ ИНТЕЛЛЕКТ ВА АМАЛИЁТ УЙҒУНЛИГИ Бугунги кунда замонавий, юксак малака ва салоҳиятга эга шифокор тайёрлаш фақат аудиториялардаги назарий билим билан чекланмайди. Ҳақиқий мутахассис, айниқса, фавқулодда вазиятларда тезкор ва тўғри қарор қабул қилиш кўникмасига эга бўлиши шарт. 🔴 “Адолат” социал-демократик партияси Сиёсий Кенгаши раиси Робахон Махмудова бошчилигидаги ишчи гуруҳнинг Андижон вилоятидаги ўрганишлари доирасида айнан шундай замонавий ёндашув жорий этилган маскан — Андижон давлат тиббиёт институти ҳузуридаги Симуляцион марказ фаолияти ўрганилди. Партия вакиллари марказ фаолияти билан танишар экан, бу ерда яратилган инновацион муҳит ва техник имкониятларга алоҳида эътибор қаратишди. Таъкидлаш жоизки, марказга қиймати 1 миллиард 200 миллион сўмдан зиёд бўлган “Ares” туркумидаги робот-беморларнинг келтирилгани тиббий таълим сифатини янги босқичга олиб чиққан. Ушбу интеллектуал моделлар инсон физиологиясини деярли тўлиқ такрорлаб, 12 хилдаги мураккаб клиник сценарийларни жонли тарзда намойиш этади. Симуляцион марказнинг энг эътиборли жиҳати шундаки, унда талаба билимини баҳолаш жараёни тўлиқ автоматлаштирилган. Роботлар талабанинг ҳар бир ҳаракатини қайд этиб, инсон омили ва субъектив ёндашувсиз, шаффоф ва холис баҳо қўяди. Бу эса партиямиз илгари сураётган таълимдаги адолат тамойилининг амалий ифодасидир. Марказдаги акушерлик ва гинекология йўналиши учун мўлжалланган ноёб робот-манекенлар талабалар учун ҳақиқий “синов майдони” вазифасини ўтамоқда. Туғруқ жараёни, она ва бола ҳолатидаги ўзгаришлар, эҳтимолий асоратлар юқори аниқликда моделлаштирилган бўлиб, бўлажак шифокорларга реал ҳаётда хато қилмаслик имконини беради. Шунингдек, “Dimedus” рақамли платформаси ёрдамида бир вақтнинг ўзида 1000 га яқин клиник сценарийлар ишга туширилиб, талабаларнинг индивидуал қарор қабул қилиш қобилияти шакллантирилмоқда. Ишчи гуруҳ ўрганишлари давомида инсульт ҳолати бўйича ўтказилган амалий машғулот жараёни кузатилди. Талабаларнинг беморга ташхис қўйиш, тезкор ёрдам кўрсатиш ва асоратларни олдини олиш бўйича ҳаракатлари сунъий интеллект томонидан таҳлил қилинди. Хулоса ўрнида айтиш мумкинки, ушбу Симуляцион марказ шунчаки ўқув муассасаси эмас, балки инқирозли вазиятларда ўзини йўқотмайдиган етук мутахассисларни тарбияловчи стратегик платформадир. Бундай юқори технологияларнинг жорий этилиши давлатимиз томонидан тиббий таълимни ислоҳ қилишда танланган йўлнинг қанчалик тўғри ва самарадор эканлигидан далолат беради. ⚖️Расмий саҳифаларимиз

Имконияти чекланганларга имконият яратилмоқда 🔴 Ишчи гуруҳимиз билан Ижтимоий ҳимоя миллий агентлиги Андижон вилояти бошқармаси тасарруфидаги “Имкониятлар олами” ҳудудий ижтимоий хизматлар марказида бўлдик. Ёш авлоднинг тўлақонли ривожланиши таъминлашда ушбу соҳа муҳим аҳамиятга эга. Жаҳон амалиёти ҳам шуни тасдиқлайди, ижтимоий хизматлар тизимида энг самарали натижалар фақат замонавий реабилитация, индивидуал ёндашув ва инновацион методлар орқали амалга оширилади. Қачонлардир пойтахтдагина мавжуд бўлган бундай марказлар эндиликда вилоятларимизда ҳам фаолият юритаётгани мамлакатимизнинг ижтимоий ҳимоя тизимига юксак эътиборидан даракдир. Марказ раҳбари Равшанбек Мўйдиновнинг айтишича, ҳозирда 46 нафар малакали турли ёш ва эҳтиёжга эга шахслар билан муайян ижтимоий хизматларни олиб боради. Жумладан, ривожланишда нуқсони бўлган болаларга ижтимоий-реабилитация ва таълимни ривожлантириш машғулотлари тақдим этилади. Ҳозирда бу хизматдан 105 нафар бола фойдаланмоқда. Шунингдек, ижтимоий мослаштириш хизматлари ногиронлик ёки оғир ҳаётий вазиятга тушиб қолган, турли қийинчиликларга дуч келган ёшларни жамият ҳаётига мослаштириш, ижтимоий кўникмаларини тиклаш ва ҳаёт сифатини яхшилашга қаратилган. Бу йўналишда махсус педагог ва психологлар фаолият юритиб, ҳозирда 210 нафар фойдаланувчига хизмат кўрсатилмоқда. Эътиборлиси, маскан ҳудудида хусусий тадбиркорлар томонидан ҳам кўп тармоқли хизматлар фаолияти йўлга қўйилибди. Мисол учун, 3 ёшдан 18 ёшгача ногиронлиги бўлган болалар учун “кундузги парвариш” хизматига 70 нафар, 18 ёшдан юқори, ўзгалар парваришига муҳтож шахслар учун “қараб туриш” хизматига 10 нафар юртдошларимиз жалб этилган. Бунда ота-она назоратисиз қолган болалар, меҳнат мигрантлари, ёлғиз оналар ва камбағал оила фарзандлари учун куни узайтирилган гуруҳлар хизмати мавжуд. Аҳамиятлиси, ёшларни касбга йўналтириш йўналиши ногиронлиги бўлган ёшлар учун қўл келмоқда. Дарҳақиқат, бундай комплекс хизматлар тизими нафақат ижтимоий барқарорликни таъминлайди, педагогик ва психологик инновациялар, болалар ва ёшларнинг тўлақонли ривожланишига ҳам хизмат қилади. Бу йўналиш замонавий реабилитация стандартларини жорий қилиш, индивидуал ёндашувни ривожлантириш ва жамиятда ижтимоий интеграцияни таъминлашда муҳим аҳамиятга эга. Adolat.uz | Facebook | Telegram | Instagram

ЗАМОНАВИЙ ТИББИЙ ТАЪЛИМНИНГ ЯНГИ БОСҚИЧИ Бугунги кунда тиббиёт соҳасида рақобатбардош мутахассис тайёрлашнинг энг самарали усули — бу реал тиббий ҳолатларни сунъий интеллект ва симуляция технологиялари ёрдамида жонли тарзда моделлаштиришдир. Зеро, назарий билимни чуқур ўзлаштирган ёш шифокор амалиётда, айниқса, фавқулодда вазиятларда ўзини йўқотиб қўймаслиги, ҳар бир қарорни тез ва аниқ қабул қила олиши ҳаётий заруратдир. Андижон давлат тиббиёт институти ҳузурида фаолият юритаётган Симуляцион марказ айнан шундай масъулиятли вазифани бажарувчи, ҳудудда ўз ўрнига эга илғор платформага айланиб улгурган. 🔴 Марказ фаолияти билан танишар эканмиз, ишчи гуруҳимиз билан унинг техник жиҳозланиши ва инновацион салоҳиятига алоҳида эътибор қаратдик. Хусусан, қиймати 1 миллиард 200 миллион сўмдан зиёд бўлган “Ares” туркумидаги робот-беморларнинг ўрнатилгани эътирофга лойиқ. Ушбу интеллектуал моделлар инсон физиологиясини деярли тўлиқ такрорлайди ва ўзида 12 хилдаги мураккаб клиник сценарийларни, жумладан, тезкор қарор қабул қилиш талаб этиладиган фавқулодда ҳолатларни мужассам этган. Тизимнинг энг адолатли жиҳати шундаки, талабанинг билими ва амалий кўникмаси робот томонидан автоматик тарзда баҳоланади. Бу жараёнда инсон омили ва субъектив ёндашувга ўрин қолмайди — баҳолаш шаффоф, холис ва аниқ амалга оширилади. Бу эса ҳақиқий замонавий тиббий таълимнинг асосий белгисидир. Шунингдек, марказда акушерлик ва гинекология йўналишлари учун махсус робот-манекенлар ҳам мавжуд. Республикамизда саноқли бўлган ушбу қурилмалар туғруқ жараёнини тўлиқ ҳажмда акс эттиради. Бола ҳаракатлари, онанинг қон босими ўзгариши, тўлғоқ интерваллари, эҳтимолий асоратлар ва ҳатто шифокор аралашувига организмнинг реакцияси — барчаси юқори аниқликда моделлаштирилган. Бу — талабалар учун хато қилишга йўл қўйилмайдиган реал ҳаёт олдидан ўзига хос “синов майдони” вазифасини ўтайди. Таълим сифатини оширишда “Dimedus” рақамли платформасининг ўрни ҳам беқиёс. У бир вақтнинг ўзида 1000 га яқин клиник сценарийни ишга тушириш имкониятига эга. Талабалар индивидуал ёки гуруҳ бўлиб вазиятларни таҳлил қилади, даволаш стратегиясини ишлаб чиқади. Уларнинг ҳар бир қадами тизим томонидан назорат қилинади ва баҳоланади. Бу усул анъанавий ўқитиш тизимидан бир неча баробар юқори самарадорликка эга. Ташриф давомида инсульт ҳолати бўйича ўтказилган симуляцион машғулот жараёнига бевосита гувоҳ бўлдик. “Тўғри қарор тезкорликдан бошланади”, деган нақлнинг исботини шу ерда кўрдик. Талабалар беморнинг қон босимини ўлчаш, тананинг зарарланган қисмини аниқлаш, тезкор қутқарув алгоритмини ишга тушириш ва асоратларни олдини олиш бўйича амалий ҳаракатларни бажардилар. Инсульт — дақиқа ва сониялар ҳал қилувчи аҳамиятга эга бўлган оғир ҳолат бўлгани боис, платформа ҳар бир кечикиш ёки нотўғри қадамни дарҳол қайд этиб борди. Хулоса қилиб айтганда, Андижон давлат тиббиёт институтининг ушбу маркази шунчаки ўқув лабораторияси эмас, балки инқирозли вазиятларни бехато бошқара оладиган етук мутахассисларни тарбияловчи стратегик маскандир. Бугунги ёш-талабалар — эртанги куннинг саломатлик посбони. Шу боис, бундай юқори технологиялар, интеллектуал роботлар ва симуляцион муҳитларнинг жорий этилиши давлатимиз томонидан тиббий таълимни ислоҳ қилишда танланган йўлнинг тўғрилиги ва истиқболи порлоқ эканидан далолат беради. Adolat.uz | Facebook | Telegram | Instagram

🟦🟦🟦🟦🟦 ИЛМ, АМАЛИЁТ ВА ИННОВАЦИЯЛАР УЙҒУНЛИГИ Мамлакатимизда тиббиёт соҳасини ислоҳ қилиш, аҳоли саломатлигини муҳофаза этиш ва соҳага замонавий технологияларни жорий этиш масалалари давлат сиёсатининг устувор йўналишларидан бири бўлиб, амалий ишлар самараси фақатгина энг сўнгги русумдаги ускуналар билан ўлчанмайди, балки асосий мезон сифатида халқаро стандартларга жавоб берадиган, чуқур назарий билим ва юксак амалий кўникмага эга кадрлар салоҳияти белгиланмоқда. 🔴 Шу мақсадда “Адолат” социал-демократик партияси Сиёсий Кенгаши раиси Робахон Махмудова бошчилигидаги ишчи гуруҳнинг Андижон вилоятидаги ўрганишлари доирасида тиббий таълим сифати ва амалиёт интеграцияси жараёнларига эътибор қаратилди. Партия етакчиси Андижон давлат тиббиёт институти фаолияти билан танишар экан, тиббиёт олийгоҳлари қошидаги клиникалар талабанинг шифокор сифатида шаклланишида ҳал қилувчи ўрин тутишини, назарий билимлар бевосита бемор билан мулоқотда, реал вазиятларда синовдан ўтказилгандагина ёш мутахассисда касбий интуиция пайдо бўлишини алоҳида таъкидлади. Институтда 20 та кафедра мавжуд бўлиб, ҳар бир ўқув даврида минглаб талабаларнинг билим олиши учун барча шароитлар яратилган. Айтиш жоизки, ишчи гуруҳ томонидан бу ердаги талабаларнинг илмий-ижодий фаоллиги алоҳида эътироф этилди. Зеро, ёшлар нафақат ўқув дастурларини ўзлаштирмоқда, балки тиббиёт ва жамият учун долзарб бўлган инновацион ишланмаларни таклиф этмоқдалар. Хусусан, ёш тадқиқотчилар томонидан яратилган болаларда яссиоёқликнинг олдини олиш учун махсус ортопедик пойабзаллар, ультрабинафша нурлари ёрдамида стерилизация қилувчи ихчам аппаратлар ва ташхис қўйиш жараёнини рақамли таҳлил қилувчи “рақамли фонендоскоп” каби лойиҳалар партия вакилларида катта қизиқиш уйғотди. Шунингдек, гелминтозга қарши самарали воситалар, она сути етишмовчилигида қўлланиладиган лактон препаратлари, ишлатилган тагликлардан олинадиган ва тупроқ намлигини сақлаб, чўлланишга қарши курашувчи махсус полимер моддалар ҳамда "ақлли" автобус бекатлари каби эко-инновациялар ёшларнинг нақадар кенг дунёқарашга эга эканлигини кўрсатди. Талабалар томонидан яратилган анатомик моделлар ва ижтимоий тармоқлардаги интерактив илмий платформалар тиббий таълимни рақамлаштириш йўлидаги дадил қадамлар сифатида баҳоланди. Робахон Махмудова ёш олимлар ва талабалар билан мулоқотда “Адолат” СДПнинг бу борадаги позициясини қатъий билдириб, иқтидорли ёшларни халқаро грантлар, стипендиялар ва хорижий амалиёт дастурларига кенг жалб қилиш бугунги кун талаби эканлигини, келажак шифокорлари мамлакат келажагига хизмат қиладиган энг қимматли интеллектуал капитал ҳисобланишини ҳамда Учинчи Ренессанс пойдевори қурилаётган паллада айнан шундай илмий тадқиқотлар олиб бораётган ёшлар янгиликлар жараёнининг марказида туришини таъкидлади. Андижондаги ўрганишлар шуни яққол кўрсатдики, назария ва амалиёт уйғунлиги таъминланган жойда юксак самарадорлик ва тараққиёт бўлади, партия эса бундай истиқболли ташаббусларни доимо қўллаб-қувватлашда давом этади. ⚖️Расмий саҳифаларимиз

🗺#Андижон_вилояти ✍️#Ўрганиш Халқ ишончини оқлаш – энг олий мақсадимиз ва асосий вазифамиздир Бугун мамлакатимизда кечаётган шиддатли ислоҳотлар, иқтисодий юксалиш ва инсон қадрини улуғлашга қаратилган янгиланишлар ҳаётимизнинг бош мазмунига айланди. Ушбу ўзгаришларнинг ҳақиқий қиймати эса, аввало, юртдошларимизнинг фаровон турмуши, кўзларидаги ишонч ва юксак кайфиятда намоён бўлади. Айни шу мақсадда — аҳоли билан бевосита юзма-юз мулоқот қилиш, ҳаётбахш ислоҳотларнинг қуйи бўғиндаги ижросини ўрганиш ҳамда ечимини кутаётган масалаларни жойида аниқлаш учун бу галги манзилимиз сифатида Андижон вилоятини танладик. Барчамизга маълумки, Андижон — улкан иқтисодий салоҳиятга эга, меҳнатсевар ва танти халқи билан доимо тараққиётга интилувчи ҳудуд бўлиб келган. Биз хизмат сафаримиз давомида шунчаки маълумот йиғиш билан чекланмасдан, ҳар бир соҳанинг реал ҳолатини ўз кўзимиз билан кўриш, оддий одамларнинг фикрини эшитиш ва муаммоларнинг туб илдизини ўрганишни мақсад қилганмиз. 🔴Жумладан, ўрганишларимиз давомида партиямизнинг Қуйи палатадаги фракцияси аъзолари, Марказий аппарат ҳамда маҳаллий Кенгашлар масъуллари ва депутатларидан иборат ишчи гуруҳимиз билан олий таълим ва амалиёт интеграцияси, тиббий хизмат сифати ва қамрови, ижтимоий ҳимоя ҳамда хотин-қизлар бандлигига доир кўрсаткичлар, маҳалла институтининг муаммоларни ҳал этишдаги таъсирчанлиги, шунингдек, аҳоли даромадини оширишга қаратилган ишлар ҳолатини атрофлича таҳлил қиламиз. Ушбу ўрганишлар натижасида депутатлик корпусимиз ва партиямиз олдида турган янги устувор вазифаларни белгилаб оламиз. Зеро, халқчил сиёсатнинг асосий мезони — одамлар эҳтиёжига жавоб берадиган, уларнинг оғирини енгил қиладиган ва эртанги кунга ишончини мустаҳкамлайдиган амалий натижаларни таъминлашдир. Сафаримиз тафсилотларини расмий саҳифаларимизда кузатиб боринг! Adolat.uz | Facebook | Telegram | Instagram

🟦🟦🟦 ЧЕМПИОНЛИК МУБОРАК, ЖАВОҲИР! Ҳиндистоннинг Гоа шаҳри мезбонлик қилган шахмат бўйича Жаҳон кубоги мусобақаларида ҳамюртимиз Жавоҳир Синдоров қозонган ёрқин ғалаба барча юртдошларимиз қатори биз, “Адолат” СДПнинг бир миллион нафардан ортиқ аъзолари учун ҳам чексиз фахр-ифтихор бағишлади. Сўнгги кунларда ушбу нуфузли мусобақада ўзбек йигит-қизларининг дадил иштирок этганини халқимиз ҳаяжон билан кузатиб борди. Шахмат тожи учун даъвогарлик қилиш имконини берадиган, Номзодлар турнири йўлланмасини тақдим этадиган мусобақа финалига бирваракай икки нафар шахматчимиз етиб боргани ҳам Ўзбекистон ёшларининг юксак салоҳиятини кўрсатди. Жавоҳирнинг финалдаги ишончли ғалабаси эса мамлакатимиз ёшларига яратиб берилаётган имкониятларнинг меваси бўлди, десак муболаға эмас. Ушбу қувончли воқеа хабари Тошкент шаҳрида барпо этилган муҳташам Олимпия шаҳарчасининг тантанали очилиш маросимига тўғри келганида ҳам ўзига хос рамзийлик мавжуд. Президентимиз таъкидлаганларидек, барча саъй-ҳаракатларимиз замирида Жавоҳир каби ёшларимиз эришадиган натижалар умиди бор. Давлатимиз раҳбарининг чемпион ўғлонимиз билан видеоқўнғироқ орқали боғланиб: “Ўзбек фарзанди, Янги Ўзбекистон нимага қодир эканини дунёга тараннум қилганинг билан фахрланаман”, дея унинг билими ва шижоатини алоҳида эътироф этганлари ҳам юртимизда ёш истеъдод эгаларига қаратилаётган юксак эътиборнинг ёрқин ифодасидир. Айни дақиқаларда Жавоҳирни бутун халқимиз олқишламоқда. Яна бир жиҳат борки, чемпионнинг тарбияси билан боғлиқ. Жавоҳир Синдоров бобоси, узоқ йиллар мамлакатимиз суд-ҳуқуқ тизимида самарали меҳнат қилган таниқли ҳуқуқшунос Комил Синдоровнинг тарбиясини олган. Устоз ўзининг талабчанлиги, интизомда собит экани, адолат ва ҳақиқат учун садоқати сабаб халқимиз орасида ҳурмат-эътибор қозонган инсон. Унинг инсоний фазилатлари тарбия орқали набирасига ҳам ўтганига шубҳа йўқ. Жавоҳир илк сабоқларини бобосидан олгани, шахмат оламига кириб келишига ҳам шу инсон сабаб бўлганини кўп бор таъкидлаган. 🔴 Комил Синдоров “Адолат” СДПнинг аъзоси, ғоя ва ташаббусларимизнинг фаол иштирокчиси ҳисобланади. У киши ўтган йили партиямиз газетасига берган интервьюсида “Жавоҳир икки ёшидан бошлаб компьютер ўйинларига қизиқиб қолди. Қизиқиш кундан-кунга кучайди. Бола мисоли тоғдан оқиб тушаётган сувга ўхшайди. Сувни сойга тўғрилаб юборсангиз, манзилга бориб, яхши натижа беради. Акс ҳолда, тўсиқ қўйсангиз атрофга зиён етказади. Ана шунда уни шахмат оламига бошладим”, деган эди. У кишининг тажрибасидан келиб чиқиб, “Боболар мактаби” номли лойиҳа ишлаб чиққанмиз. Лойиҳани янада ривожлантириш, набираларига шахсий намуна ва ибрати билан бош бўлаётган, шу орқали мамлакатимизга салоҳиятли авлод етиштириб бераётган инсонлар тажрибасини оммалаштириш мақсадидамиз. Шу ўринда фаол партиядошимиз, фидойи инсон Комилжон акани набираси эришган ушбу тарихий ғалаба билан самимий қутлаймиз. Масъулиятли лавозимда фаолият юритиш, албатта, яхши. Аммо ўз вақтида лавозимдан оила ва фарзандлар камолотини устун қўйган Комилжон Синдоров бугун ҳақиқий бахтга эришди. Жавоҳир ва Исломбек Синдоровларнинг халқаро майдонларда қўлга киритаётган ютуқлари мазкур оиладаги юксак интеллектуал муҳит ва Комилжон аканинг набиралари таълим-тарбиясига қаратган доимий эътибори маҳсулидир. Фурсатдан фойдаланиб, шахмат бўйича Жаҳон кубоги совриндори Жавоҳир Синдоров ҳамда унинг оила аъзолари, устозларини, бутун халқимизни юксак ғалаба билан табриклаймиз! Adolat.uz | Facebook | Telegram | Instagram